- జులైలోనూ ఇదే ట్రెండ్ ఉంటుందని ఆశ
- కష్టాల నుంచి పూర్తిగా బయటపడలేదు
న్యూఢిల్లీ: ఈ ఏడాది మే నెలతో పోలిస్తే జూన్ నెలలో ఆటోమొబైల్ రిటెయిల్ సేల్స్ పుంజుకున్నాయి. కొవిడ్–19 సెకండ్వేవ్ ఎఫెక్ట్తో ఏప్రిల్, మే నెలల్లో ఆటోమొబైల్ రిటెయిల్ సేల్స్ పడిపోయిన విషయం తెలిసిందే. లాక్డౌన్ రెస్ట్రిక్షన్లను వివిధ రాష్ట్రాలు తీసేయడంతో వెహికల్ రిజిస్ట్రేషన్స్ జూన్ నెలలో పెరిగినట్లు ఆటోమొబైల్ డీలర్స్ అసోసియేషన్ (ఫాడా) ప్రకటించింది. జూన్ నెలలో పాసింజర్ వెహికల్స్ అమ్మకాలు 1,84,134 యూనిట్లకు పెరిగాయని, మే నెలలో అవి 85,733 యూనిట్లు మాత్రమేనని ఫాడా వెల్లడించింది. దేశంలోని 1,295 రీజినల్ ట్రాన్స్పోర్ట్ ఆఫీసుల నుంచి ఫెడరేషన్ ఆఫ్ ఆటోమొబైల్ డీలర్స్ అసోసియేషన్ (ఫాడా) ఈ డేటాను సేకరిస్తోంది. మన దేశంలో మొత్తం 1,498 రీజినల్ ట్రాన్స్పోర్ట్ ఆఫీసులున్నాయి. మే నెలతో పోలిస్తే జూన్ నెలలో టూ వీలర్ సేల్స్ కూడా బాగా పెరిగాయని ఫాడా డేటా వెల్లడిస్తోంది. జూన్ 2021లో టూ వీలర్ అమ్మకాలు 9,30,324 యూనిట్లకు పెరిగాయి. అంతకు ముందు నెలలో ఈ అమ్మకాలు 4,10,757 యూనిట్లే. ఇక కమర్షియల్ వెహికల్స్ సేల్స్ కూడా జూన్ నెలలో 35,700 యూనిట్లకు చేరింది. జూన్ నెలలో త్రీ వీలర్ సేల్స్ 14,732 యూనిట్లకు, ట్రాక్టర్ సేల్స్ 52,261 యూనిట్లకు పెరిగాయి. అన్ని కేటగిరీలలోనూ కలిపి రిజిస్ట్రేషన్ల సంఖ్య 12,17,151 కి చేరింది. దక్షిణాదిలోని కొన్ని రాష్ట్రాలు తప్పిస్తే, మిగిలిన చాలా రాష్ట్రాలలో రెస్ట్రిక్షన్లు ఎత్తివేయడంతో ఆటోమొబైల్ వెహికల్స్ అమ్మకాలు జూన్ నెలలో రికవరయ్యాయని ఫాడా ప్రెసిడెంట్ వింకేష్ గులాటి చెప్పారు. పెంటప్ డిమాండ్ పుంజుకుందని అన్నారు. సోషల్ డిస్టెన్సింగ్, సేఫ్టీ కారణాలతో సొంత వాహనాల కొనుగోలుకు ఇష్టపడుతున్నారని పేర్కొన్నారు. రూరల్ మార్కెట్లు పూర్తి నార్మల్ కాకపోవవడంతో టూ వీలర్ సేల్స్ రికవరీ కొంత స్లోగా ఉందని చెప్పారు.
ఇంకా సమస్యలు పోలే!
ఆటోమొబైల్ ఇండస్ట్రీ ఇంకా కష్టాల నుంచి బయటపడలేదని, కిందటేడాది జూన్తో పోలిస్తే ఈ ఏడాది జూన్ సేల్స్ 28 శాతం తక్కువని వింకేష్ గులాటి తెలిపారు. త్రీ వీలర్, కమర్షియల్ వెహికల్స్ అమ్మకాలైతే బాగా పడిపోయాయని పేర్కొన్నారు. జూన్ 2019తో పోలిస్తే ఈ ఏడాది జూన్లో ఒక్క ట్రాక్టర్ల అమ్మకాలు మాత్రమే 27 శాతం పెరిగాయని వెల్లడించారు. జులై నెలలోనూ ఇదే ట్రెండ్ కొనసాగుతుందని చెప్పారు. సెమికండక్టర్ల కొరతతో పాసింజర్ వెహికల్స్ గ్రోత్ పరిమితమవుతోందని చెప్పారు. మరోవైపు కొత్త మ్యూటెంట్లు, థర్డ్వేవ్ భయాలు సెంటిమెంట్పై ఎఫెక్ట్ చూపిస్తున్నాయని అన్నారు. వ్యాక్సినేషన్ ఊపందుకోవడంతోపాటు, మాన్సూన్ మెరుగ్గా ఉంటుందనే అంచనాలతో జులై సేల్స్ మెరుగ్గా ఉంటాయని తెలిపారు. ఫాడాలో 15 వేల మంది ఆటోమొబైల్ డీలర్లు మెంబర్లుగా ఉన్నారు.