భారత్‌-పాక్‌ ప్రపంచకప్‌ మ్యాచ్‌లో పాక్‌ క్రికెటర్‌ను అవహేళన చేస్తూ 'జై శ్రీరామ్' నినాదాలు చేశారని డీఎంకే నేత, తమిళనాడు మంత్రి ఉదయనిధి స్టాలిన్ వ్యాఖ్యలపై బీజేపీ మండిపడుతోంది. ఉదయనిధి విషం వ్యాప్తి చేసే దోమ అని పిలుస్తూ బీజేపీ నేతలు ఆగ్రహం వ్యక్తం చేస్తున్నారు.
పాకిస్తాన్ వికెట్ కీపర్-బ్యాటర్ మహ్మద్ రిజ్వాన్ డగౌట్‌కు వెళుతుండగా ప్రజలు నినాదాలు చేస్తున్న వీడియోలు తీవ్ర ప్రతిస్పందనలకు దారితీశాయి. ఈ నినాదాలు క్రికెట్ స్ఫూర్తికి విరుద్ధమని, క్రికెటర్‌ను వేధించడమేనని పలువురు అభిప్రాయపడ్డారు. రిజ్వాన్ మైదానంలో నమాజ్ చేస్తున్నాడని, అంతకుముందు మ్యాచ్‌లో యుద్ధానికి దెబ్బతిన్న గాజాలోని ప్రజలకు సంఘీభావం తెలుపుతూ, మతాన్ని మైదానంలోకి తీసుకువచ్చింది పాకిస్తాన్ క్రికెటర్ అని మరికొందరు ఆరోపించారు.
India is renowned for its sportsmanship and hospitality. However, the treatment meted out to Pakistan players at Narendra Modi Stadium in Ahmedabad is unacceptable and a new low. Sports should be a unifying force between countries, fostering true brotherhood. Using it as a tool… pic.twitter.com/MJnPJsERyK
— Udhay (@Udhaystalin) October 14, 2023
ఈ విషయంపై స్పందించిన స్టాలిన్.. క్రీడాస్ఫూర్తి, ఆతిథ్యానికి భారతదేశం ప్రసిద్ధి చెందిందని, పొరుగు దేశానికి చెందిన ఆటగాళ్లతో వ్యవహరించడం ఆమోదయోగ్యం కాదని అన్నారు. క్రీడలు దేశాల మధ్య ఏకం చేసే శక్తిగా ఉండాలన్న ఆయన.. నిజమైన సోదరభావాన్ని పెంపొందించాలని, దాన్ని సాధనంగా ఉపయోగించాలి ద్వేషాన్ని వ్యాప్తి చేయడం కోసం కాదని అని ఆయన ఎక్స్ లో పోస్ట్ చేశారు.
స్టాలిన్ వ్యాఖ్యలపై స్పందిస్తూ, బీజేపీ అధికార ప్రతినిధి గౌరవ్ భాటియా హిందీలో ఎక్స్‌లో పోస్ట్ చేశారు. "ఈ ద్వేషపూరిత డెంగ్యూ, మలేరియా దోమ మళ్లీ విషాన్ని వ్యాపింపజేస్తుంది. మైదానంలో నమాజ్ కోసం మ్యాచ్ ఆగిపోయినప్పుడు మీకు ఇబ్బంది లేదు కదా" అని పోస్ట్ లో రాసుకొచ్చారు. "మా రాముడు విశ్వంలోని ప్రతి మూలలో ఉన్నాడు.. కాబట్టి జై శ్రీరామ్ అని చెప్పండి" అని ఆయన అన్నారు. తృణమూల్‌ కాంగ్రెస్‌ ఎంపీ సాకేత్‌ గోఖలే కూడా పాక్‌ క్రికెటర్‌ను రెచ్చగొట్టేలా నినాదాలు చేయడాన్ని తప్పుబట్టారు.
नफ़रती डेंगू मलेरिया मच्छर फिर निकला है विष घोलने जब मैच रुकवा कर फील्ड पर नमाज़ पड़ी जाती है तो तुम्हें साँप सूँघ जाता है
— Gaurav Bhatia गौरव भाटिया ?? (@gauravbhatiabjp) October 15, 2023
सृष्टि के हर कन कन मे हमारे प्रभु श्री राम बसते है, तो बोलो जय श्री राम ?#IndiavsPak pic.twitter.com/Tm7Ikxbtqw
