ప్రపంచంలో భిన్న మార్పులు, పరిణామం చెందుతున్న కాలంలో భారీగా ఊపందుకుంటున్న ఒక విషయం ఫ్యూజన్ ఫుడ్. తమ క్రియేటివిటీతో కొత్త ఫుడ్ ను సృష్టించడానికి ప్రజలు సాంప్రదాయ వంటకాలతో ప్రయోగాలు చేయడం చూస్తూనే ఉంటాం. ఈ వంటకాల్లో కొన్ని హిట్ అయితే మరికొన్ని ఫ్లాప్ అవుతుంటాయి. కొన్ని మంచి పేరు తెచ్చుకుంటే.. మరికొన్నేమో నెగెటివ్ కామెంట్స్ తోనే ఆగిపోతాయి. అది చట్నీతో మీ దోసె కావచ్చు, లేదా ఎరుపు రంగులో ఉండే వెల్లుల్లి చట్నీతో వేడి వేడి చికెన్ మోమోలు కావచ్చు లేదా స్పైసీ వాటర్‌తో పానీ పూరీ కావచ్చు, కొన్ని వంటకాలకు ప్రత్యామ్నాయం ఉండదు. వాటిని అందరూ ఇష్టపడతారు.
ప్రస్తుతం వైరల్ అవుతున్న వీడియోలో ఒక వీధి వ్యాపారి తన కస్టమర్లకు 'బనానా పానీ పూరీ'ని ఎలా అందిస్తుండడం చూపిస్తుంది. ఉడికించిన బంగాళాదుంపలను ఉపయోగించకుండా అరటిపండ్లను ఉపయోగించడం కూడా ఈ వీడియోలో చూడవచ్చు. దాంతో పాటు ఆ వ్యక్తి అరటిపండ్లు తొక్కుతున్నట్లు కనిపిస్తుంది. అతను చిక్‌పీస్, మసాలా దినుసులు, కొత్తిమీర ఆకులను మిక్స్‌లో వేసి దీన్ని తయారు చేశాడు.
ALSO READ:జాబ్ పోయిన మహిళా డ్రైవర్కు కారును గిప్ట్గా ఇచ్చిన కమల్ హాసన్
ఈ వీడియో అప్‌లోడ్ చేసినప్పటి నుంచి దీనికి 45వేల వ్యూస్ వచ్చాయి. “పసుపు విషయం ఏమిటి? నిజానికి చనా బనానా కాంబో చాలా రుచిగా ఉంటుంది. దీన్ని కేవలం కత్తిరించి మాష్ చేయొద్దు”అని ఓ ట్విట్టర్ యూజర్ రాసుకొచ్చారు. ఇటీవలే ‘థమ్స్ అప్’ పానీపూరీ వైరల్ అయింది. బ్లూ బర్డ్ యాప్‌లో షేర్ చేయబడిన చిన్న క్లిప్‌లో స్ట్రీట్ స్టాల్ యజమాని తన కోల్‌కతా షాప్‌లో ఈ 'ప్రత్యేకమైన' ఫుడ్ వెరైటీలలో ఒకదానిని రుచి చూడటానికి వచ్చిన ఒక మహిళకు 'థమ్స్ అప్' పానీపూరీని అందిస్తున్నట్లు ఓ వీడియో కూడా వైరల్ అవుతుంది.
