అమెరికా గగనతలంపై మరో గుర్తుతెలియని వాహనం చక్కర్లు కొట్టింది. ఈ అనుమానిత వాహనాలు ఏలియన్స్కు చెందినవని.. అగ్రరాజ్యంలో ప్రచారం జరిగింది. అయితే ఆ ప్రచారాన్ని వైట్ హౌస్ కొట్టిపారేసింది. గ్రహాంతర జీవులకు సంబంధించి ఎటువంటి కదలికలు లేవని వైట్ హౌస్ సెక్రటరీ కరీన్ జీన్ పియర్ చెప్పారు. కొన్ని వ‌స్తువుల్ని పేల్చివేసిన ఘటనలో కొన్ని అపోహలు, అనుమానాలు వ్యక్తమవుతున్నాయ‌ని, ఆ పేల్చివేత‌ల‌కు ఏలియన్స్ కు ఎటువంటి సంబంధం లేదని స్పష్టం చేశారు. ఫిబ్రవరి 4న చైనా స్పై బెలూన్ కూల్చివేత తర్వాత కేవలం మూడు రోజుల వ్యవధిలో చోటుచేసుకున్న మూడో ఘటన ఇది. దీంతో అమెరికన్లలో భయాందోళనలు నెలకొన్నాయి. దీంతో అవి ఏలియన్స్ కు చెందిన వస్తువులు కావని వైట్ హౌస్ ప్రకటించింది.
