- రోడ్డు ప్రమాదంలో గాయపడ్డ వ్యక్తి.. కాపాడబోతే ప్రాణాలు పోయినయ్
- బైక్పై వెళ్తుండగా ఢీకొట్టిన వాహనం
- పైకి లేపుతుండగా ఇద్దరిపై నుంచి దూసుకెళ్లిన మరో వెహికల్
- కల్వకుర్తిలో ఇద్దరు కన్నుమూత
కల్వకుర్తి, వెలుగు : రోడ్డు ప్రమాదంలో గాయపడిన వ్యక్తికి సాయం చేస్తుండగా గుర్తు తెలియని వెహికల్ఢీకొట్టడంతో ఇద్దరూ అక్కడికక్కడే చనిపోయారు. కల్వకుర్తికి చెందిన నవాజ్(25) అత్తగారి ఊరైన జడ్చర్లకు వెళ్లి గురువారం రాత్రి బైక్పై కల్వకుర్తికి బయలుదేరాడు. నాగర్కర్నూల్జిల్లా కల్వకుర్తి మండలం మార్చాల సమీపంలోని దేవరకొండ–కోదాడ మెయిన్ రోడ్డుపై గురువారం అర్ధరాత్రి గుర్తు తెలియని వాహనం ఢీకొట్టడంతో గాయపడ్డాడు.
బైక్మీద పడడంతో అరుస్తుండగా, కోదాడ నుంచి కొత్తకోటకు వెళ్తున్న బొలెరో పాల వ్యాన్ డ్రైవర్, క్లీనర్లు గమనించారు. బాధితుడికి సాయం చేసేందుకు వెళ్లారు. వీరిలో బొలెరో డ్రైవర్ నరసింహ.. నవాజ్ పై పడిన బైక్ను పక్కకు తీశాడు. క్లీనర్ అశోక్(22) నవాజ్ను లేపేందుకు ప్రయత్నిస్తుండగా, మరో గుర్తు తెలియని వాహనం వేగంగా వచ్చి ఇద్దరిపై నుంచి దూసుకువెళ్లింది. దీంతో నవాజ్, అశోక్ ఇద్దరూ అక్కడికక్కడే చనిపోయారు.
కల్వకుర్తి పోలీసులు ఘటనా స్థలానికి చేరుకొని డెడ్బాడీలను కలకుర్తి ప్రభుత్వ దవాఖానకు తరలించారు. బంధువుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. అశోక్ ది కొత్తకోట మండలం కనిమెట్ట గ్రామం. నవాజ్ కు భార్య, కూతురు ఉన్నారు.
