గంగాధర, వెలుగు: అభివృద్ధి, సంక్షేమమే రాష్ట్ర ప్రభుత్వ లక్ష్యమని ఎమ్మెల్యే మేడిపల్లి సత్యం అన్నారు. గంగాధర మండలంలోని కురిక్యాల మాజీ ఉపసర్పంచ్ కడారి కనకయ్య, సర్పంచ్ అభ్యర్థి కడారి రేణుక ఆధ్వర్యంలో 200 మంది గ్రామస్తులు శనివారం కాంగ్రెస్ లో చేరారు. వారికి ఎమ్మెల్యే పార్టీ కండువాలు కప్పి ఆహ్వానించారు.
ఈ సందర్భంగా ఆయన మాట్లాడుతూ.. స్థానిక సంస్థల ఎన్నికల్లో కాంగ్రెస్70 నుంచి 80 శాతం సర్పంచ్, వార్డు స్థానాలను గెలుచుకుంటుందని ధీమా వ్యక్తం చేశారు. ఏఎంసీ చైర్ పర్సన్ జాగిరపు రజిత- శ్రీనివాస్ రెడ్డి, ప్యాక్స్చైర్మన్ వెలిచాల తిరుమల్రావు, కాంగ్రెస్ పార్టీ మండల అధ్యక్షుడు పురుమల్ల మనోహర్, నాయకులు పాల్గొన్నారు.
కాట్నపల్లి మాజీ సర్పంచ్..
చొప్పదండి, వెలుగు: కాట్నపల్లి మాజీ సర్పంచ్ గన్ను శ్రీనివాస్ రెడ్డి శనివారం ఎమ్మెల్యే మేడిపల్లి సత్యం సమక్షంలో కాంగ్రెస్ లో చేరారు. బీఆర్ఎస్కు చెందిన ఆయన గతంలో కొండగట్టు దేవస్థాన డైరెక్టర్గా పని చేశారు. ప్రభుత్వ పథకాలను ప్రజల్లోకి తీసుకెళ్లి పార్టీ బలోపేతానికి కృషి చేయాలని ఎమ్మెల్యే సూచించారు. కాంగ్రెస్ మండల అధ్యక్షుడు ఇప్ప శ్రీనివాస్ రెడ్డి, జిల్లా ప్రధాన కార్యదర్శి గంగయ్య గౌడ్ పాల్గొన్నారు.
