బాడీ ఫిట్నెస్, ఆరోగ్యం కోసం చాలా మంది జిమ్లకు వెళ్తుంటారు. కానీ కొన్నిసార్లు చిన్న నిర్లక్ష్యం ప్రాణాల మీదికి తెస్తుంది. అవును ఇండోనేషియాలో జరిగిన ఒక హృదయ విదారక ఘటన ఇప్పుడు ప్రపంచవ్యాప్తంగా కలకలం రేపుతోంది. త్రెడ్మిల్పై నడుస్తున్న ఓ యువతికి.. అదే ప్రాణాంతకం అవుతుందని ఎవరూ ఊహించి ఉండరు. క్షణాల వ్యవధిలో జరిగిన ఈ ప్రమాదానికి సంబంధించిన వీడియో ఇప్పుడు అందరినీ షాక్ కి గురిచేస్తోంది.
ఇండోనేషియాలోని వెస్ట్ కాలిమంటన్, పొంటియానక్ ప్రాంతంలోని ఫిట్నెస్ సెంటర్లో ఈ విషాదం చోటుచేసుకుంది. 22 సంవత్సరాల ఆ యువతి జిమ్లో సుమారు 30 నిమిషాల పాటు వ్యాయామం చేసింది. ఆ తర్వాత అలసట తీర్చుకోవడానికి కాస్త ఆగి, టవల్తో ముఖాన్ని తుడుచుకునే ప్రయత్నం చేసింది. అయితే ఆ సమయంలో ఆమె ప్రమాదవశాత్తు వెనక్కి తూలింది. అప్పటికే ఆన్ చేయబడి వేగంగా తిరుగుతున్న త్రెడ్మిల్ నుంచి అదుపుతప్పి.. సరిగ్గా దాని వెనుక వైపు తెరిచి ఉన్న కిటికీలో నుంచి కిందపడిపోయింది.
TRAGIC: 22-year-old woman dies after falling off a treadmill and plunging through an open third-floor gym window in Indonesia. 🚨 https://t.co/w4XPEUAOkW
— Nirmal Prasai🇳🇵 (@NirmalPrasai5) November 15, 2026
ఈ ప్రమాదానికి సంబంధించిన విజువల్స్ అక్కడి సీసీటీవీ కెమెరాల్లో రికార్డయ్యాయి. కిటికీలో నుంచి పడిపోతున్న సమయంలో ఆ యువతి ఫ్రేమ్ను పట్టుకోవడానికి తీవ్రంగా ప్రయత్నించినప్పటికీ.. 3వ అంతస్తు నుంచి కిందికి పడిపోయింది. ఈ ప్రమాదంలో ఆమె తీవ్రంగా గాయపడింది. వెంటనే ఆసుపత్రికి తరలించినప్పటికీ.. ప్రాణాలను కాపాడలేకపోయినట్లు వైద్యులు తెలిపారు. కిటికీకి అతిసమీపంలో త్రెడ్మిల్ను ఏర్పాటు చేయడం అతిపెద్ద సేఫ్టీ లోపమని అధికారుల దర్యాప్తులో తేలింది.
►ALSO READ | ముంబైలో వేల్స్ యువరాజు.. ఎర్త్షాట్ ప్రైజ్ కోసం భారత్కు వచ్చిన ప్రిన్స్ విలియం, కేట్
ఈ మరణం జిమ్లలో ఉండే భద్రతా ప్రమాణాలపై తీవ్రమైన ప్రశ్నలను లేవనెత్తింది. బాధ్యులైన జిమ్ యజమానిని పోలీసులు అదుపులోకి తీసుకున్నారు. అలాగే ఆ ఫిట్నెస్ సెంటర్ను తాత్కాలికంగా మూసివేశారు. భవనాల్లో జిమ్ పరికరాలను అమర్చేటప్పుడు కిటికీలు, బాల్కనీల దగ్గర తగినంత రక్షణ ఏర్పాట్లు, గ్రిల్స్ ఉండేలా చూసుకోవడం ఎంత ముఖ్యమో ఈ ఘటన కళ్లకు కట్టింది. చిన్నపాటి అజాగ్రత్త ఒక యువతి ప్రాణాలను బలిగొంది.
