కరోనా వ్యాప్తి రోజు రోజుకు ఉదృతం అవుతోంది. ప్రపంచ వ్యాప్తంగా కరోనా పాజిటివ్ కేసులు ఏడు లక్షలు దాటాయి. ఇప్పటి వరకు కరోనా పాజిటివ్ కేసుల సంఖ్య 723,106కు చేరింది. అత్యధికంగా 1,42,224 కేసులతో అమెరికా అగ్రస్థానంలో ఉంది. ఆ తర్వాత ఇటలీ 97,689 , చైనా 81470, స్పెయిన్ 80,110, జర్ననీ 62435 కేసులతో తర్వాతి స్థానాల్లో ఉన్నాయి.
ఇక ప్రపంచ వ్యాప్తంగా కరోనా మృతుల సంఖ్య 33,984 కి చేరింది. అత్యధికంగా ఇటలీలో చనిపోయారు. ఇటలీలో కరోనా మరణాల సంఖ్య 10779కి చేరింది. ఆ తర్వాత 6803 మరణాలతో స్పెయిన్ రెండవ స్థానంలో ఉంది. ఆ తర్వాత 3304 మరణాలతో చైనా, 2640 మరణాలతో ఇరాన్, 2606 మరణాలతో ఫ్రాన్స్, 2485 మరణాలతో అమెరికా ఉన్నాయి.
