చాలామందికి మ్యాథ్స్ సబ్జెక్ట్ అంటే భయం. అందుకే కొందరు పిల్లలు మ్యాథ్స్ క్లాసు అన్నా, టీచర్ అన్నా వణికిపోతారు. కానీ.. అభినయ్ శర్మకు మ్యాథ్స్ అంటే చాలా ఇష్టం. ఏ క్లాస్ మిస్సయిన మ్యాథ్స్ క్లాస్ మాత్రం కచ్చితంగా వినేవాడు. సీన్ కట్ చేస్తే.. ఇప్పుడు ఆయనే లెక్కల పాఠాలు చెప్తున్నాడు. అభినయ్ క్లాస్లను ఇప్పుడు కొన్ని లక్షల మంది వింటున్నారు. అందులో ఎంతోమంది గవర్నమెంట్ జాబ్స్ కూడా సాధించారు.
అభినయ్ శర్మ 19 నవంబర్ 1990న ఉత్తరప్రదేశ్‌‌‌‌లోని ఒక పల్లెటూరిలో పుట్టాడు. అదే ఊర్లో ఉన్న ప్రైమరీ స్కూల్లో చదువుకున్నాడు. అతను ఐదో తరగతిలో ఉన్నప్పుడు మ్యాథ్స్ సబ్జెక్ట్ మీద ఆసక్తి పెరిగింది. దాంతో అన్ని సబ్జెక్ట్ల కంటే మ్యాథ్స్ మీద ఎక్కువ కాన్సంట్రేట్ చేసేవాడు. అందుకే పదో తరగతిలో మ్యాథ్స్లో నూటికి నూరు శాతం మార్కులు సాధించాడు. ఇంటర్లో కూడా మంచి మార్కులే వచ్చాయి. మిగతా సబ్జెక్ట్స్ కూడా బాగానే చదివేవాడు. అందుకే గ్రాడ్యుయేషన్ పూర్తికాగానే సివిల్ సర్వీస్‌ ఉద్యోగం కోసం ప్రిపరేషన్ మొదలుపెట్టాడు. కొన్నాళ్లకు ఢిల్లీ వెళ్లాడు. కానీ.. అక్కడ ఒక్కడే ఉండలేకపోయాడు. దాంతో అతని చదువు కోసం ఫ్యామిలీ మొత్తం గ్రేటర్ నోయిడాలో ఒక చిన్న అద్దె ఇంటికి మారింది. అక్కడే ఫ్యామిలీతో పాటు ఉంటూ చదువుకున్నాడు. తన కోచింగ్ సెంటర్కి వెళ్లేందుకు ప్రతి రోజూ మూడు కిలోమీటర్లు నడిచేవాడు. 2012లో యూపీఎస్సీ ప్రిలిమ్స్ ఎగ్జామ్స్ రాసి, క్వాలిఫై అయ్యాడు.
టీచింగ్..
ప్రిలిమ్స్ క్వాలిఫై అయిన తర్వాత మెయిన్స్కి ప్రిపేర్ అవుతూనే కుటుంబానికి చేదోడుగా ఉండాలని జాబ్ చేయడం మొదలుపెట్టాడు. ఒక కోచింగ్ ఇనిస్టిట్యూట్లో మ్యాథ్స్ చెప్తూ, వచ్చే డబ్బుని తన చదువు కోసం, ఇంటి అవసరాల కోసం ఖర్చు చేసేవాడు. కానీ.. 2012 చివరి నాటికి ఎస్ఎస్సీ(స్టాఫ్ సెలెక్షన్ కమిషన్)కి సెలెక్ట్ అయ్యాడు. దాంతో ఉద్యోగంలో చేరాడు. కానీ.. కొన్నాళ్లకే ఉద్యోగం మానేసి, మళ్లీ టీచింగ్ వైపు వచ్చాడు. 2013లో ‘‘ప్లే విత్ అడ్వాన్స్ మ్యాథ్స్”అనే పుస్తకం రాశాడు. దాన్ని 2014లో ప్రింట్ చేసి, మార్కెట్లోకి తీసుకొచ్చాడు. ఆ తర్వాత 2016లో కొన్ని రోజులు టీచింగ్కి బ్రేక్ తీసుకోవాలి అనుకున్నాడు. దాంతో ఎక్సైజ్ డిపార్ట్మెంట్లో జాబ్ కొట్టి, జాయిన్ అయ్యాడు. కానీ.. ఆరు నెలలకే రిజైన్ చేసి, మళ్లీ టీచింగ్ రంగంలోకి వచ్చాడు. ఇప్పటికీ అదే రంగంలో ఉన్నాడు.
తండ్రి కోసమే..
వాస్తవానికి తనకు ఎప్పుడూ టీచింగ్ అంటేనే ఇష్టం. కానీ.. సివిల్ సర్వీసెస్లో జాబ్ చేయాలనేది తన తండ్రి కోరిక. అభినయ్ తండ్రి చదువుకోలేదు. కానీ.. తన కొడుకు మంచి గవర్నమెంట్ ఉద్యోగం చేయాలని కోరుకున్నాడు. అందుకే తన తండ్రి కోసం సివిల్స్కి ప్రిపేర్ అయ్యాడు అభినయ్. కానీ.. తన లక్ష్యం అదికాదు. అందుకే మెయిన్స్లో క్వాలిఫై కాలేకపోయాడు. పైగా అప్పటికే ఆర్థిక సమస్యల వల్ల బాగా ఇబ్బంది పడేవాడు. చివరికి సివిల్స్ని వదిలేసి తనకు నచ్చిన రంగంలోకి అడుగుపెట్టి సక్సెస్ అయ్యాడు. ఇప్పుడు అభినవ్ కొన్ని లక్షల మందికి కోచింగ్ ఇస్తున్నాడు. అంతేకాదు.. అభినయ్ వరుసగా 5 సార్లు ఎస్ఎస్ఎసీ సీజీఎల్ ఎగ్జామ్ రాసి, జాబ్ కొట్టాడు. అందులో 4 సార్లు 200 మార్కులకు గాను 197.5 మార్కులు తెచ్చుకున్నాడు.
యూట్యూబ్లోకి..
కోచింగ్ తీసుకోలేని పేదవాళ్లకు కూడా మ్యాథ్స్ నేర్పించాలి అనుకున్నాడు అభినయ్. అందుకే సీజీఎల్, సీహెచ్ఎస్ఎల్ ఉద్యోగాలకు ప్రిపేర్ అయ్యే స్టూడెంట్స్ కోసం తన క్లాసులను యూట్యూబ్లో అప్లోడ్ చేస్తున్నాడు. ఆయన క్లాసులు విని ఎంతో మంది ఉద్యోగాలు సంపాదించారు. 2015లో తన ఛానెల్ ‘‘అభినయ్ మ్యాథ్స్’’ని మొదలుపెట్టాడు. ప్రస్తుతం ఈ ఛానెల్కు 2.45 మిలియన్ల సబ్స్క్రయిబర్స్ ఉన్నారు. దీంతో పాటు మరో మూడు ఛానెల్స్ని కూడా నడుపుతున్నాడు. వాటిలో ‘‘లెర్నింగ్ హబ్”కి లక్షా ఎనభై వేలు, ‘‘ఎస్ఎస్సీ అభినయ్’’కి లక్షా 64 వేలు, ‘‘అభినయ్ ఫుడ్ ఫ్యాక్టరీ’’కి 24 వేల మంది సబ్స్క్రయిబర్స్ ఉన్నారు. అభినయ్ ఇన్‌‌‌‌స్టాగ్రామ్, ఫేస్‌‌‌‌బుక్, ట్విట్టర్‌‌‌‌లో కూడా యాక్టివ్గా ఉంటాడు.
నెట్ వర్త్
యూట్యూబ్, ఆఫ్లైన్ క్లాసుల ద్వారా అభినయ్ నెలకు 10 లక్షల వరకు సంపాదిస్తున్నాడు. ఆయన ఇప్పటివరకు దాదాపు 10 కోట్ల రూపాయలకు పైగా సంపాదించాడు. పుస్తకాలు అమ్మడం ద్వారా కూడా ఆదాయం వస్తోంది.
