- ప్రకటించిన ఎమ్మెల్యే రాంమ్మోహన్రెడ్డి
పరిగి, వెలుగు: రాష్ట్ర కార్మిక, మైనింగ్ శాఖ మంత్రి వివేక్ వెంకటస్వామి చొరవతో త్వరలో పరిగి మున్సిపల్ పరిధిలోని సన్కల్లో అడ్వాన్స్ ట్రైనింగ్ సెంటర్ను ఏర్పాటు చేయనున్నట్లు ఎమ్మెల్యే టి.రాంమ్మోహన్రెడ్డి తెలిపారు. శుక్రవారం పరిగి మార్కెట్యార్డులో ఎమ్మెల్యే పుట్టినరోజు వేడుకలు ఘనంగా జరిగాయి.
ఈ సందర్భంగా ఆయన మాట్లాడుతూ.. రూ.60 కోట్లతో ఏర్పాటు చేయబోయే అడ్వాన్స్ ట్రైనింగ్సెంటర్తో యువతకు ఉపాధి అవకాశాలు పెరుగుతాయన్నారు. పరిగి నియోజకవర్గంలోని పంచాయితీలను ఏకగ్రీవం చేస్తే రాష్ట్ర ప్రభుత్వం, ఎమ్మెల్యే కోటా కలిపి మొత్తం రూ.20 లక్షలను అభివృద్ధికి అందజేస్తామని ప్రకటించారు.
