కొత్త ప్లేస్లకు వెళ్లినప్పుడు అక్కడ ఏ ఇబ్బంది రాకుండా అవసరమైనవి తీసుకెళ్తాం. అలాగే, ఎండాకాలంలో టూర్కి వెళ్లేవాళ్ల బ్యాగ్లో ముఖ్యమైన వస్తువులు కొన్ని ఉండాలి. గాడ్జెట్లు, ఫోన్ ఛార్జర్తో పాటు మేకప్ కిట్ కూడా ఉంటే టూర్ ఎంజాయ్ చేయొచ్చు.
- ఎండాకాలంలో తొందరగా చెమట పడుతుంది. కాబట్టి ఒకే జత సాక్స్ ఎక్కువ సేపు వేసుకుంటే అవి చెమట వాసన వస్తాయి. అందుకని ఇంకో సాక్స్ల జత తీసుకెళ్తే మంచిది.
- ముఖానికి ఎండ తగలకుండా చూసుకోవడం చాలా ముఖ్యం. పెద్ద టోపీ, సన్గ్లాసెస్ తీసుకెళ్లాలి. మధ్యాహ్నం బయటకి వెళ్లేటప్పుడు సన్గ్లాసెస్ పెట్టుకుంటే అల్ట్రా వయొలెట్ రేస్ నుంచి కళ్లని కాపాడుకోవచ్చు.
- ట్రావెలింగ్ చేసేటప్పుడు కంఫర్ట్గా ఉండే బట్టలు వేసుకోవాలి. తొందరగా చెమటని పీల్చుకునే కాటన్ దుస్తులు వేసుకుంటే గాలి కూడా తగులుతుంది.
- చర్మం ఫ్రెష్గా ఉండేందుకు స్కిన్ కేర్ రొటీన్ తప్పనిసరి. పొడి చర్మం ఉన్నవాళ్లు జెల్ బేస్డ్ ప్రొడక్ట్స్, జిడ్డు చర్మం వాళ్లు వాటర్ బేస్డ్ ప్రొడక్ట్స్ తీసుకెళ్లాలి. ట్రావెల్ బ్యాగ్లో ఫేస్వైప్స్ ఉంటే ఇంకా మంచిది. ముఖం డల్గా ఉన్నప్పుడు ఫేస్వైప్స్తో తుడుచుకుంటే తేమ అంది
- ముఖం మెరుస్తుంది. ఎండలో బయటకి వెళ్లే ముందు సన్స్క్రీన్ రాసుకోవడం మర్చిపోవద్దు.
