- నిందితుడిపై పోక్సో యాక్ట్ కింద కేసు
ఇబ్రహీంపట్నం, వెలుగు: జగిత్యాల జిల్లా, ఇబ్రహీంపట్నం మండలంలో ఐదేళ్ల చిన్నారిపై లైంగిక దాడికి యత్నించిన మైనర్పై పోలీసులు పోక్సో యాక్ట్కింద కేసు ఫైల్చేశారు. పోలీసులు తెలిపిన వివరాల ప్రకారం.. మండలంలోని బర్దిపూర్ గ్రామంలో ఆదివారం సాయంత్రం వినాయక నిమజ్జన శోభయాత్ర కార్యక్రమం జరుగుతోంది. దాన్ని చూస్తున్న ఓ ఐదేళ్ల చిన్నారిని అదే గ్రామానికి చెందిన యువకుడు(17) మసీదు వద్ద ఉన్న చెట్ల పొదల్లోకి తీసుకెళ్లి లైంగిక దాడికి యత్నించాడు. అతని నుంచి తప్పించుకుని వచ్చిన పాప జరిగిన విషయాన్ని తల్లిదండ్రులకు చెప్పింది. దాంతో చిన్నారి పేరెంట్స్సోమవారం ఇబ్రహీంపట్నం పోలీస్స్టేషన్లో ఫిర్యాదు చేశారు. పోలీసులు పోక్సో యాక్ట్కింద కేసు నమోదు చేశారు. మరోవైపు తమపై పాప కుటుంబ సభ్యులు దాడికి పాల్పడ్డారని యువకుడి కుటుంబ సభ్యులు ఫిర్యాదు చేశారు.
