కనో: నైజీరియాలో భద్రతా బలగాలపై బందిపోట్లు దాడిచేయడంతో 26మంది సైనికులు మృతిచెందారు. సెంట్రల్ నైజీరియాలో ఆదివారం అర్ధరాత్రి దాటిన తర్వాత ఆర్మీపై బందిపోట్లు మెరుపుదాడి చేశారు. బందిపోట్ల దాడిలో 26మంది చనిపోగా మరో ఎనిమిది మంది సోల్జర్లు తీవ్రంగా గాయపడ్డారని మిలిటరీ అధికారులు తెలిపారు. గాయపడినవారిని రక్షించేందుకు వెళ్లిన హెలికాప్టర్ను సైతం క్రిమినల్ గ్రూప్స్ సోమవారం కూల్చివేశాయి. హెలికాప్టర్ లో ఉన్న సిబ్బంది, ప్యాసింజర్ల వివరాలు ఎయిర్ఫోర్స్ అధికారులు వెల్లడించలేదు. బందిపోట్ల దాడికి సంబంధించిన వివరాలను మిలిటరీ అధికారులు మీడియాకు వెల్లడించారు. బందిపోట్ల దాడిలో ముగ్గురు అధికారులతో సహా 23మంది సోల్జర్లను తాము కోల్పోయామన్నారు. బందిపోట్లు కూడా చాలామంది మరణించారని చెప్పారు. 11మంది సోల్జర్ల డెడ్బాడీలు, గాయపడిన ఏడుగురిని తరలిస్తున్న ఎయిర్ఫోర్స్హెలికాప్టర్ తో సంబంధాలు తెగిపోయాయని, బందిపోట్లు జరిగిన కాల్పుల్లో హెలికాప్టర్కూలిపోయిందని మిలిటరీ ఆఫీసర్ తెలిపారు.
హెలికాప్టర్ శకలాలు గుర్తింపు
జుంగేరు నుంచి టేకాఫ్ తీసుకున్న ఎంఐ–171 హెలికాప్టర్ కూలిపోయిందని నైజీరియా ఎయిర్ఫోర్స్ అధికార ప్రతినిధి ధ్రువీకరించారు. షిరోరో లోకల్గవర్న మెంట్ ఏరియా చుకుబా గ్రామం సమీపంలో కూలిపోయిన హెలికాప్టర్ను గుర్తించామని అధికార తెలిపారు. గ్రామాలపై పడి దోచుకుంటరు.. ఆఫ్రికాలో అత్యధిక జనాభా ఉన్న నైజిరీయా దేశంలో నార్త్వెస్ట్, సెంటర్ నైజీరియాలో బందిపోట్ల ప్రాబల్యం ఎక్కువగా ఉంది. బందిపోట్లుగా పిలిచే క్రిమినల్గ్యాంగ్ లు నైజిర్, కదున, జాంఫర, కట్సినా స్టేట్స్లో భారీ సంఖ్యలో ఉన్నాయి. స్కూలు విద్యార్థులను కిడ్నాప్ చేయడం, అటవీ ప్రాంతాల్లో భారీ క్యాంప్లు నిర్వహించడంతో ఈ గ్యాంగ్ లు గుర్తింపు పొందాయి. ఈ బందిపోటు ముఠాల సభ్యులు మారుమూల ప్రాంతాల్లో ఉన్న గ్రామాలపై దాడి చేసి గ్రామస్తులను విచ్చలవిడిగా హత్యలు, కిడ్నాప్ లు చేస్తూ దోపిడీలకు పాల్పడుతుంటారు. దోచుకున్న అనంతరం ఇండ్లను కూడా తగులబెడుతుంటారు.
