కరోనా టైమ్‌లో నోటిఫికేషన్స్ కోసం ఎదురుచూస్తున్న నిరుద్యోగులకు బ్యాంక్ జాబ్స్ మంచి అవకాశంగా మారాయి. ఐబీపీఎస్ విడుదల చేసిన ఆర్ఆర్బీ అసిస్టెంట్, ఆఫీసర్ పోస్టులతో పాటు త్వరలో రానున్న క్లర్క్ నోటిఫికేషన్లో సేమ్ సిలబస్ ఉంది. ఈ జాబ్స్ను కామన్ ప్రిపరేషన్తో ఎలా క్రాక్ చేయాలో ఈ వారం తెలుసుకుందాం.
ఐబీపీఎస్ రీజినల్‌ రూరల్‌ బ్యాంకుల్లో మల్టీపర్పస్‌ జాబ్స్, క్లర్క్ ఉద్యోగాలకు దాదాపు ఒకే సిలబస్ ఉంటుంది. కామన్ స్టడీ ప్లాన్‌ ఫాలో అయితే రెండు నోటిఫికేషన్లను అటెండ్‌ చేసి బ్యాంక్ జాబ్ కొట్టొచ్చు. పోస్టును బట్టి ప్రశ్నలు అడిగే స్థాయి మారుతూ ఉంటుంది. ఈ ఉద్యోగాలకు ప్రిలిమ్స్, మెయిన్స్ పరీక్షల్లో రీజనింగ్, న్యూమరికల్ ఎబిలిటి, ఇంగ్లిష్, జనరల్ అవేర్నెస్, కంప్యూటర్ నాలెడ్జ్ కామన్ సబ్జెక్టులు. వీటిలోని ముఖ్యమైన టాపిక్స్ మీద ఫోకస్ చేయాలి.
ఆర్ఆర్బీ అసిస్టెంట్, ఆఫీసర్ పోస్టులు
ఆర్ఆర్బీ అసిస్టెంట్, ఆఫీసర్ గ్రేడ్ ప్రిలిమ్స్ పరీక్షలో రీజనింగ్, న్యూమరికల్ ఎబిలిటి నుంచి 80 ప్రశ్నలకు 80 మార్కులు ఉంటాయి. మెయిన్స్లో రీజనింగ్, న్యూమరికల్ ఎబిలిటి, ఇంగ్లిష్, జనరల్ అవేర్నెస్, కంప్యూటర్ నాలెడ్జ్ నుంచి 200 ప్రశ్నలకు 200 మార్కులు ఉండగా రెండు గంటల సమయం కేటాయిస్తారు. అసిస్టెంట్ ఉద్యోగాలకు కేవలం రాతపరీక్ష మాత్రమే ఉంటుంది. ఆఫీసర్ గ్రేడ్ జాబ్స్కు ఇంటర్వ్యూ కూడా నిర్వహిస్తారు.
ఐబీఎస్ క్లర్క్
త్వరలో రానున్న ఐబీపీఎస్ క్లర్క్ నోటిఫికేషన్లో 3000కు పైగా పోస్టులు ఉండే అవకాశం ఉంది. దీనికి ప్రిలిమ్స్ ఎగ్జామ్ ఆగస్టులో, మెయిన్స్ అక్టోబర్లో నిర్వహించనున్నట్లు ఐబీపీఎస్ విడుదల చేసిన క్యాలెండర్లో తెలిపారు. ప్రిలిమ్స్లో ఇంగ్లిష్, న్యూమరికల్ ఎబిలిటి, రీజనింగ్ నుంచి 100 ప్రశ్నలు 100 మార్కులకు ఉండగా గంట సమయం కేటాయిస్తారు. మెయిన్స్లో రీజనింగ్, ఆప్టిట్యూడ్, ఇంగ్లిష్, జనరల్ అవేర్నెస్ నుంచి 190 ప్రశ్నలకు 200 మార్కులకు ఉంటుంది. ఈ పోస్టులకు ఇంటర్వ్యూ ఉండదు, నెగెటివ్ మార్క్స్ ఉంటాయి.
మాక్ టెస్టులపై ఫోకస్
బ్యాంక్ పరీక్షలో కీలకమైన అంశం టైమ్ మేనేజ్మెంట్. తక్కువ సమయంలో ఎక్కువ ప్రశ్నలు చేయాల్సి ఉంటుంది. కాబట్టి మాక్ టెస్టులు, ప్రీవియస్ పేపర్స్ ఎక్కువగా ప్రాక్టీస్ చేయాలి. దీంతో ఎక్కడ తప్పులు చేస్తున్నామో తెలియడంతో పాటు ఏ టాపిక్స్ మీద ప్రశ్నలు ఎలా అడుగుతున్నారో అవగాహన వస్తుంది. ప్రతి రోజు న్యూస్‌ పేపర్‌ చదవడంతో కరెంట్ ఎఫైర్స్ మీద పట్టు పెంచుకోవచ్చు. సరైన ప్రణాళికతో కామన్ సబ్జెక్టులపై ఫోకస్ చేస్తూ ప్రిపరేషన్ కొనసాగిస్తే బ్యాంక్ జాబ్ ఈజీగా కొట్టొచ్చు.
సేమ్ సిలబస్
ఐబీపీఎస్ ఆర్ఆర్బీ, క్లర్క్ పోస్టుల్లో కామన్గా ఉన్న రీజనింగ్, ఆప్టిట్యూడ్, ఇంగ్లిష్, జనరల్ అవేర్నెస్ మీద ఫోకస్ చేస్తే రెండు పరీక్షల్లో విజయం సాధించవచ్చు. ముఖ్యంగా రీజనింగ్ సంబంధించి బేసిక్ అంశాలైన వర్గాలు, ఘనాలు, టేబుల్స్, ఆంగ్ల అక్షరమాలపై పట్టు పెంచుకోవాలి. కోడింగ్–డీకోడింగ్, బ్లడ్ రిలేషన్స్, డైరెక్షన్స్, ర్యాంకింగ్ అంశాలు ఎక్కువ ప్రాక్టీస్ చేయాలి. న్యూమరికల్ ఎబిలిటి నుంచి సింప్లిఫికేషన్స్, డాటా ఎనాలసిస్, డాటా సఫీషియన్సీ, శాతాలు, లాభ–నష్టాలు, కాలం–పని, కాలం–దూరం, వైశాల్యాలు, ఘనపరిమాణం టాపిక్స్ మీద ఫోకస్ చేయాలి. జనరల్ అవేర్నెస్లో భాగంగా కరెంట్ ఎఫైర్స్ చదవాలి. పదో తరగతి స్థాయిలో ఇంగ్లిష్ గ్రామర్ ప్రాక్టీస్ చేయాలి.
జి. ప్రశాంత్ రెడ్డి, రామానుజన్ అకాడమీ వరంగల్
