సార్వత్రిక ఎన్నికల కౌంటింగ్, ఎమ్మెల్సీ ఎన్నికల నేపథ్యంలో కర్ణాటకలో జూన్ 1నుండి 5వ తేదీ వరకు మద్యం దుకాణాలు మూతపడనున్నాయి.ఈ నిషేధం వల్ల కర్ణాటక ప్రభుత్వానికి రోజుకి సుమారు 100కోట్ల రూపాయల నష్టం వాటిల్లనుందని తెలుస్తోంది. ఈ క్రమంలో బెంగళూరు హోటల్స్ అసోసియేషన్ ప్రభుత్వానికి లేఖ రాసింది. జూన్ 4 నుండి మద్యం అమ్మకలకు అనుమతించాలని ఈ లేఖలో ప్రభుత్వాన్ని కోరింది హోటల్స్ అసోసియేషన్.
ముంబై తరహాలోనే కౌంటింగ్ పూర్తైన జూన్ 4వ తేదీ సాయంత్రం నుండి ఆంక్షలు ఎత్తేయాలని, కౌంటింగ్ నాడు సాయంత్రం కౌటింగ్ సెంటర్ కి ఒక కిలోమీటర్ పరిధిలో ఆంక్షలు విధించాలని కోరింది అసోసియేషన్. ఈ లేఖపై ప్రభుత్వం నుండి ఇంకా స్పందన రావాల్సి ఉంది. నెలలో మొదటి వారంలోనే 5రోజుల పాటు మద్యం అమ్మకాలపై నిషేధం ఉన్న నేపథ్యంలో బెంగళూరులోని రెస్టారెంట్లు, బార్ల ఓనర్లు ఆందోళన చెందుతున్నారు.
