గోదావరిఖని, వెలుగు: ప్రమాదంలో గాయపడిన వ్యక్తిని హాస్పిటల్ కు తరలిస్తుండగా బైక్ ఢీకొట్టడంతో అంబులెన్స్ బోల్తా పడింది. దీంతో అంబులెన్స్ లో ఉన్న ఐదుగురికి, బైక్ పై ఉన్న ఇద్దరికి గాయాలయ్యాయి.
ఈ ప్రమాదం గోదావరిఖనిలోని గోదావరి బ్రిడ్జి వద్ద శనివారం తెల్లవారుజామున జరిగింది. వివరాల్లోకి వెళ్తే... మంచిర్యాలలో ప్రమాదానికి గురైన ఓ వ్యక్తిని అంబులెన్స్ లో వరంగల్ఎంజీఎం హాస్పిటల్కు తరలిస్తున్నారు.
శనివారం తెల్లవారుజామున గోదావరిఖనిలోని బ్రిడ్జి వద్దకు రాగానే ఎదురుగా బైక్ఢీకొట్టడంతో అంబులెన్స్అదుపుతప్పి బోల్తా పడింది. దీంతో అంబులెన్స్ డ్రైవర్ సతీశ్, అందులో ఉన్న పవన్, సుధీర్, రమక్క, కవితతో పాటు బైక్పై ఉన్న ఎస్ కే. మోహినోద్దీన్, ఎండీ. పర్వేజ్ కు గాయాలయ్యాయి.
సమాచారం అందుకున్న గోదావరిఖని వన్టౌన్ఇన్స్పెక్టర్ఎ.ఇంద్రసేనారెడ్డి ఘటనా స్థలానికి చేరుకుని అంబులెన్స్ లో ఉన్న వారిని గోదావరిఖని ఏరియా హాస్పిటల్కు, మోహినోద్దీన్, పర్వేజ్ను కరీంనగర్ హాస్పిటల్కు తరలించారు. అంబులెన్స్ ఓనర్వెంకటేశ్వర్లు ఫిర్యాదుతో కేసు నమోదు చేసినట్లు పోలీసులు తెలిపారు.
