రేవల్లి, వెలుగు: పార్లమెంట్ ఎన్నికల్లో బీఆర్ఎస్ కు ఓటేస్తే మూసీ నదిలో వేసినట్టేనని బీజేపీ ఎంపీ అభ్యర్థి భరత్ ప్రసాద్అన్నారు. మండల కేంద్రంలో ఆదివారం నిర్వహించిన పార్టీ కార్నర్ మీటింగ్ కు ఆయన హాజరై మాట్లాడారు. కాంగ్రెస్ ప్రభుత్వం ప్రజలకు ఇచ్చిన హామీలను నెరవేర్చకుండా కాలయాపన చేస్తోందన్నారు. ఈ ఎన్నికల్లో కాంగ్రెస్ పార్టీకి బుద్ధి చెప్పాలని పిలుపునిచ్చారు. కార్యక్రమంలో జడ్పీ చైర్మన్ లోక్ నాథ్ రెడ్డి, పురుషోత్తం రెడ్డి, నారాయణ, సబ్బిరెడ్డి, వెంకటరెడ్డి, శ్రీనివాస్ గౌడ్, రామన్న తదితరులు పాల్గొన్నారు.
వనపర్తి: బీజేపీ గెలిచే 400లకు పైగా స్థానాల్లో నాగర్కర్నూలు ఒకటని భరత్ప్రసాద్అన్నారు. పెద్దమందడి మండలంలో ఆయన ఎన్నికల ప్రచారం నిర్వహించారు. ప్రజా సంక్షేమమే ధ్యేయంగా పనిచేసే ఏకైక పార్టీ బీజేపీ అని చెప్పారు.
