న్యూఢిల్లీ : దేశంలో కొత్తగా 11 ఒమిక్రాన్‌ సబ్‌ వేరియంట్లను కేంద్రం గుర్తించింది. ఇవి డిసెంబరు 24 నుంచి- జనవరి 3 మధ్య విదేశాల నుంచి వచ్చిన ప్రయాణికులలో బయటపడినట్లు గురువారం వెల్లడించింది. 11 రోజుల్లో మొత్తం 19,227 మంది ఇంటర్నేషనల్ ట్రావెలర్స్ కి కరోనా టెస్టులు చేయగా.. 124 మందిలో 11 సబ్‌ వేరియంట్లను గుర్తించామని తెలిపింది. 124 పాజిటివ్ శాంపిల్స్లో 40 జీనోమ్ సీక్వెన్సింగ్ రిజల్ట్స్ వచ్చాయని.. అందులో ఎక్స్ బీబీ.1, ఎక్స్ బీబీ, బీఎఫ్7.4.1 ఉన్నట్లు వివరించింది.
ప్రస్తుతం బాధితులందరిని ఐసోలేషన్‌లో ఉంచినట్లు చెప్పింది. కరోనాపై భయం అవసరం లేదని..అందరూ కొవిడ్ నిబంధనలు పాటించాలని కేంద్ర ఆరోగ్య మంత్రి మన్‌సుఖ్ మాండవీయ కోరారు.
