కేంద్ర ప్రభుత్వరంగ సంస్థ లైఫ్ ఇన్సూరెన్స్ కార్పొరేషన్ హౌసింగ్ ఫైనాన్స్ లిమిటెడ్(ఎల్ఐసీ హెచ్ఎఫ్ఎల్) అప్రెంటీస్ ఖాళీల భర్తీ కోసం నోటిఫికేషన్ విడుదల చేసింది. ఆసక్తి, అర్హత గల అభ్యర్థులు ఆన్లైన్ ద్వారా అప్లై చేయవచ్చు. అప్లికేషన్ల సమర్పణకు చివరి తేదీ సెప్టెంబర్ 22.
పోస్టుల సంఖ్య: 192. తెలంగాణ రాష్ట్రంలో 20 ఖాళీలు ఉన్నాయి. హైదరాబాద్ 16, సికింద్రాబాద్ 02, కరీంనగర్ 01, మహబూబ్నగర్లో 01 ఉన్నాయి.
ఎలిజిబిలిటీ: 2025, సెప్టెంబర్ 1 నాటికి గుర్తింపు పొందిన యూనివర్సిటీ నుంచి ఏదైనా డిగ్రీలో ఉత్తీర్ణత సాధించి ఉండాలి. 2021, సెప్టెంబర్ 01 కంటే ముందు గ్రాడ్యుయేషన్ పూర్తిచేసిన అభ్యర్థులు అర్హులు కాదు.
వయోపరిమితి: 20 నుంచి 25 ఏండ్ల మధ్యలో ఉండాలి.
అప్లికేషన్లు ప్రారంభం: సెప్టెంబర్ 02
లాస్ట్ డేట్: సెప్టెంబర్ 22.
అప్లికేషన్ ఫీజు: పీడబ్ల్యూబీడీ అభ్యర్థులకు రూ.472. ఎస్సీ, ఎస్టీ, మహిళా అభ్యర్థులకు రూ.708. జనరల్, ఓబీసీ అభ్యర్థులకు రూ.944.
సెలెక్షన్ ప్రాసెస్: రాత పరీక్ష ద్వారా అభ్యర్థులను ఎంపిక చేస్తారు. మొత్తం 100 ప్రశ్నలు మల్టిపుల్ చాయిస్ రూపంలో ఇస్తారు.
బ్యాంకింగ్, ఇన్వెస్ట్ మెంట్ అండ్ ఇన్సూరెన్స్, క్వాంటిటేటివ్ ఆప్టిట్యూడ్, రీజనింగ్, డిజిటల్/ కంప్యూటర్ లిటరసి, ఇంగ్లిష్ నుంచి ప్రశ్నలు అడుగుతారు. 60 నిమిషాల్లో పూర్తి చేయాల్సి ఉంటుంది.
ఎగ్జామ్ డేట్: అక్టోబర్ 01.
అప్రెంటీస్: 2025, నవంబర్ 1 నుంచి అప్రెంటీస్ ప్రారంభమవుతుంది. అప్రెంటీస్ కాలం 1 ఏడాది. నెలకు రూ.12,000 చొప్పున స్టైఫండ్ చెల్లిస్తారు.
పూర్తి వివరాలకు cdn.lichousing.com వెబ్సైట్లో సంప్రదించగలరు.
