బీజింగ్ : నిర్మాణంలో ఉన్న తన స్పేస్స్టేషన్ తియాంగాంగ్ కోసం ఫస్ట్ల్యాబ్ మాడ్యుల్(ఇన్స్ట్రుమెంట్ల సమూహం) వెంటియాన్ను చైనా ఆదివారం విజయవంతంగా లాంచ్ చేసింది. లాంగ్మార్చ్5బీవై3 క్యారియర్ రాకెట్ఈ మాడ్యుల్ను స్పేస్లోకి తీసుకెళ్లింది. దక్షిణ ఐలాండ్ ప్రావిన్స్ హైనన్ తీర ప్రాంతంలోని వెంచాంగ్ స్పేస్క్రాఫ్ట్ సైట్ నుంచి వెంటియాన్ను వెంటపెట్టుకుని ఈ రాకెట్ నింగిలోకి దూసుకెళ్లిందని చైనా మ్యాన్డ్ స్పేస్ ఏజెన్సీ (సీఎంఎస్ఏ) తెలిపింది.‘‘ కోర్ మాడ్యులైన తియాన్హెకు ఈ వెంటియాన్ మాడ్యుల్ బ్యాకప్ గాను, స్పేస్ స్టేషన్లో శక్తివంతమైన సైంటిఫిక్ ఎక్స్ పెరిమెంట్ప్లాట్ ఫాంగానూ పనిచేస్తుంది. మొదట్లో సింగిల్ మాడ్యుల్ స్ట్రక్చర్గా ఉండే తియాంగాంగ్తర్వాత తియాన్హె, వెంటియాన్, మెంగ్టియాన్ అనే మూడు మాడ్యుల్స్లోకి విడిపోతుంది. వాటిలో తియాన్హె కోర్ మాడ్యుల్గా పనిచేస్తుంది” అని చైనా అధికారిక మీడియా పీపుల్స్డైలీ (పీడీ) తెలిపింది. మరికొన్ని గంటల్లో 5బీవై3 క్యారియర్ రాకెట్ నుంచి వెంటియాన్ విడిపోయి తియాంగాంగ్ స్పేస్స్టేషన్తో డాక్(అనుసంధానం కావడం) అవుతుందని సీఎంఎస్ఏ పేర్కొంది. ఆ తర్వాత ముగ్గురు క్రూ మిషన్కమాండర్లు ల్యాబ్ మాడ్యుల్లోకి ప్రవేశించి, ఎక్విప్మెంట్ల పనితీరును పరిశీలిస్తారని సీఎంఎస్ఏ వెల్లడించింది.
ఏంటీ తియాంగాంగ్?
అంతరిక్షంలో చైనా నిర్మిస్తున్న స్పేస్స్టేషనే తియాంగాంగ్. భూమికి 350 నుంచి 450 కిలోమీటర్ల మధ్యలో (లో ఎర్త్ఆర్బిట్) ఈ స్పేస్స్టేషన్ను నిర్మిస్తున్నది. పనులు పూర్తయితే ప్రపంచంలోనే సొంతంగా ఒక స్పేస్స్టేషన్ ను కలిగి ఉన్న దేశంగా చైనా రికార్డు సృష్టిస్తుంది.