వందలాది కిలోమీటర్ల దూరం పాటు భూతలం, గగనతలంపై నిఘా పెట్టే చైనా అధునాతనమైన ‘యువాన్ వాంగ్ 5’ నౌక ఇది. ఇండోనేసియా మీదుగా శ్రీలంకకు దక్షిణాన ఉన్న హంబన్ టోట పోర్టుకు చైనా దీనిని తరలిస్తోంది. ఈ నెల 11 నాటికి అక్కడికి చేరుకునే ఈ షిప్ 17 వరకూ అక్కడే ఉండనుంది. మన దేశంలో జరిగే బాలిస్టిక్ మిసైల్ టెస్టులను ట్రాక్ చేయడంతోపాటు, ఏపీ, కేరళ, తమిళనాడులోని కీలక పోర్టులు, కల్పక్కం, కూడంకుళం వంటి అణు కేంద్రాల సమచారాన్నీ ఇది సేకరించగలదు. అయితే, ఈ షిప్ కదలికలను గమనిస్తున్నామని, ఇండియా భద్రతకు ముప్పు కలిగే పరిస్థితి వస్తే తగిన చర్యలు తీసుకుంటామని కేంద్రం హెచ్చరించింది.
