నాగర్ కర్నూల్ టౌన్, వెలుగు: జాతీయస్థాయిలో ట్రైమోడ్ సైకిల్ ప్రత్యేక ఆకర్షణగా నిలిచింది. బల్మూరు మండలానికి చెందిన పదో తరగతి విద్యార్థి గగన్ను కలెక్టర్ బదావత్ సంతోష్ శనివారం కలెక్టరేట్ లో అభినందించారు. ట్రై మోడ్ సైకిల్ ను మూడు విధాలుగా నడిపే విధంగా గగన్ తయారుచేశాడు. ఎలక్ట్రిక్ చార్జింగ్, సోలార్ సిస్టం, కాలుతో నడిపే సాధారణ పద్ధతి ద్వారా ఈ మోపెడ్ ను తయారు చేశాడు.
ఈ వినూత్న ఆవిష్కరణకు జాతీయస్థాయిలో యంగ్ ఇండియా అవార్డు అందుకొని రాష్ట్రానికి జిల్లాకు గౌరవం తీసుకొచ్చాడన్నారు. కార్యక్రమంలో అధికారులు ఉమాపతి, పాండు, కృష్ణయ్య, విద్యార్థి తల్లిదండ్రులు అభినందించారు.
