మహబూబ్ నగర్ కలెక్టరేట్, వెలుగు: ఈ నెల 28న జరగనున్న ఎమ్మెల్సీ ఉప ఎన్నిక కోసం మహబూబ్ నగర్ ఎంపీడీవో ఆఫీస్లో ఏర్పాటు చేసిన పోలింగ్ కేంద్రాన్ని మంగళవారం కలెక్టర్ జి రవినాయక్ పరిశీలించారు. పోలింగ్ కు అన్ని ఏర్పాట్లు చేయాలని అధికారులను ఆదేశించారు. పోలింగ్ కేంద్రం వద్ద 100 మీటర్ల పరిధిలో మార్క్ చేసి బారికేడింగ్ ఏర్పాటు చేయాలని సూచించారు.
పోలింగ్ కేంద్రంలో అవసరమైన ఏర్పాట్లు చేయాలని అధికారులకు సూచించారు. ఆయన వెంట అడిషనల్ కలెక్టర్ శివేంద్రప్రతాప్, జడ్పీ సీఈవో రాఘవేంద్రరావు, ఆర్డీవో నవీన్ ఉన్నారు.
