జైపూర్, వెలుగు: జైపూర్ తోపాటు కుందారం పీహెచ్ సీ, పల్లె దవాఖానాలను కలెక్టర్ కుమార్దీపక్ శుక్రవారం ఆకస్మికంగా తనిఖీ చేశారు. జైపూర్ పీహెచ్సీతో పాటు గంగిపల్లిలోని పల్లె దవాఖానాల్లో విధులకు హాజరు కాకపోవడంపై కలెక్టర్ ఆగ్రహం వ్యక్తం చేశారు. డ్యూటీకి రాని డాక్టర్లు, సిబ్బందికి షోకాజ్ నోటీసులు జారీ చేయాలని సంబంధిత అధికారులను ఆదేశించారు. ప్రభుత్వ అధికారులు, ఉద్యోగులు విధుల పట్ల నిర్లక్ష్యం, అలసత్వం వహిస్తే కఠిన చర్యలు తీసుకుంటానని హెచ్చరించారు.
పీహెచ్సీలకు వచ్చే ప్రజలకు డాక్టర్లు, సిబ్బంది మెరుగైన వైద్య సేవలు అందించాలన్నారు. విధుల్లో సమయపాలన పాటించాలని, ఎల్లవేళలా అందుబాటులో ఉండాలని ఆదేశించారు.గంగిపల్లిలో నిర్మి స్తున్న ఇందిరమ్మ ఇండ్ల పనులను పరిశీలించారు. మండల కేంద్రంలోని కేజీబీవీతో పాటు గురుకుల బాలుర స్కూల్ను తనిఖీ చేశారు. కలెక్టర్ వెంట ఎంపీడీవో సత్యనారాయణ, సంబంధిత అధికారులున్నారు.
విద్యారంగం బలోపేతానికి చర్యలు
నస్పూర్, వెలుగు: విద్యారంగాన్ని బలోపేతం చేస్తూ ప్రభుత్వం ప్రత్యేక చర్యలు తీసుకుంటోందని కలెక్టర్ అన్నారు. మంచిర్యాల రాజీవ్ నగర్లోని కేజీబీవీని సందర్శించి క్లాస్రూమ్స్, కిచెన్, టాయ్లెట్లు, ఆహారం నాణ్యత, పరిసరాలను పరిశీలించారు. స్థానిక పీహెచ్సీని సందర్శించి వార్డులు, మందుల నిల్వలు, రిజిస్టర్లు, పరిసరాలను పరిశీలించారు. అనంతరం పట్టణంలోని పాత మంచిర్యాల ప్రాంతంలోని పట్టణ ప్రాథమిక ఆరోగ్య కేంద్రాన్ని సందర్శించి డాక్టర్లు, సిబ్బందికి సూచనలు చేశారు.
