మెదక్టౌన్, పెద్దశంకరంపేట, వెలుగు: అర్హులందరికీ పక్కా ఇండ్లు నిర్మించాలన్నదే ప్రభుత్వ ధ్యేయమని కలెక్టర్ రాహుల్రాజ్అన్నారు. శుక్రవారం ఆయన పెద్దశంకరంపేట మండలంలో విస్తృతంగా పర్యటించారు. కమలాపూర్ గ్రామంలో ఇందిరమ్మ ఇండ్ల లబ్ధిదారుల ఇంటి నిర్మాణ పనులను పరిశీలించారు. అనంతరం మాట్లాడుతూ... మెదక్ జిల్లాకు 9 వేల ఇందిరమ్మ ఇండ్లు మంజూరయ్యాయని, 4,500 ఇండ్లు గ్రౌండింగ్ చేసినట్లు చెప్పారు.
బేస్మెంట్పూర్తయిన ఇండ్లకు జీపీ సెక్రెటరీ ఫొటో తీసి పంపిన వారం రోజుల్లోనే లబ్ధిదారుడి అకౌంట్లో రూ.లక్ష జమవుతున్నాయని తెలిపారు. అనంతరం గ్రామంలో ఫ్రైడే -డ్రై డే కార్యక్రమాన్ని పరిశీలించారు. సీజనల్‌ వ్యాధులు సోకకుండా తీసుకోవాల్సిన జాగ్రత్తల గురించి ప్రజలకు అవగాహన కల్పించాలని అధికారులకు సూచించారు. పీహెచ్సీలో అన్ని రకాల మందులు అందుబాటులో ఉంచాలన్నారు. ప్రతీ ఇంటిని ఏఎన్‌ఎంలు, ఆశా వర్కర్లు సందర్శించి పారిశుధ్యంపై అవగాహన కల్పించాలన్నారు.
