అలంపూర్, వెలుగు : దేవీ శరన్నవరాత్రి ఉత్సవాల్లో భాగంగా జోగులాంబ, బాలబ్రహ్మేశ్వరస్వామి వార్లకు ఆంధ్రప్రదేశ్ రాష్ట్ర ప్రభుత్వం తరఫున పట్టువస్త్రాలను మంగళవారం కర్నూలు జిల్లా కలెక్టర్ సిరి సమర్పించారు. ఆలయానికి చేరుకున్న కలెక్టర్కు ఈవో దీప్తి, అర్చకులు స్వాగతం పలికారు. ముందుగా గణపతి పూజ, బాలబ్రహ్మేశ్వరస్వామి ఆలయంలో అభిషేకాలు నిర్వహించారు. జోగులాంబ అమ్మవారి ఆలయంలో కుంకుమార్చన, ప్రత్యేక పూజలు చేశారు.
ఆలయ విశిష్టతను అర్చకులు వివరించారు. అనంతరం కలెక్టర్ను సత్కరించి తీర్థప్రసాదాలు, వేద ఆశీర్వచనాలను అందజేశారు. ఈ సందర్భంగా కలెక్టర్ సిరి మాట్లాడుతూ అమ్మవారికి, స్వామివారికి పట్టువస్త్రాలు సమర్పించడం సంతోషంగా ఉందన్నారు. ప్రజలందరూ సుఖసంతోషాలతో ఉండాలని ఆకాంక్షించారు. కలెక్టర్ వెంట కర్నూల్ దేవాదాయశాఖ సహాయ కమిషనర్ సుధాకర్ రెడ్డి ఉన్నారు.
