అచ్చంపేట, వెలుగు: ప్రైవేట్ హాస్పిటల్ డాక్టర్ నిర్లక్ష్యంతో మహిళ మృతి చెందిందని ఆరోపిస్తూ శనివారం రాత్రి మృతురాలి బంధువులు ఆందోళనకు దిగారు. అమ్రాబాద్ మండలం మన్ననూర్ గ్రామానికి చెందిన కల్పన(30) డెలివరీ కోసం అచ్చంపేట పట్టణంలోని ఓ ప్రైవేట్ హాస్పిటల్లో ఈ నెల 21న చేరింది. మహిళకు సిజేరియన్ చేయగా, మగబిడ్డకు జన్మనిచ్చింది. ఆమెకు బ్లీడింగ్ ఆగక పోవడంతో పరిస్థితి విషమించింది.
దీంతో ఆమెను జిల్లా హాస్పిటల్కు రెఫర్ చేశాడు. అక్కడి నుంచి శనివారం రాత్రి హైదరాబాద్ గాంధీ ఆసుపత్రికి తీసుకెళ్లారు. అక్కడి డాక్టర్లు పరీక్షించి అప్పటికే చనిపోయినట్లు చెప్పారు. కల్పన మృతికి ప్రైవేట్ హాస్పిటల్ డాక్టరే కారణమని ఆరోపిస్తూ శనివారం రాత్రి డెడ్ బాడీనీ అచ్చంపేటకు తీసుకువచ్చేందుకు ప్రయత్నించగా, ఎన్నికల కోడ్ ఉందని ధర్నా చేయవద్దని హైదరాబాద్ చౌరస్తాలో పోలీసులు అడ్డుకున్నారు. దీంతో వారు డెడ్బాడీతో రోడ్డుపై ఆందోళన నిర్వహించారు.
