న్యూఢిల్లీ: రేటింగ్ఏజెన్సీ క్రిసిల్ ప్రస్తుత ఆర్థిక సంవత్సరం భారతదేశ జీడీపీ వృద్ధి అంచనాను 6.5 శాతం నుంచి 7 శాతానికి పెంచింది. మొదటి ఆరు నెలల్లో వృద్ధి రేట్ అంచనాలను మించి 8 శాతంగా నమోదు కావడంతో ఈ పెంపు జరిగింది.
సంస్థ ముఖ్య ఆర్థికవేత్త ధర్మ కీర్తి జోషి మాట్లాడుతూ, రెండో క్వార్టర్లో వాస్తవిక జీడీపీ వృద్ధి 8.2% ఉందని, ద్రవ్యోల్బణం తగ్గడం వల్ల నామ మాత్రపు జీడీపీ వృద్ధి 8.7% వద్ద ఉందన్నారు. అమెరికా సుంకాలను పెంచడం వల్ల వృద్ధిపై ప్రభావం ఉంటుందని క్రిసిల్ స్పష్టం చేసింది.
తాజా వృద్ధికి ప్రైవేట్ వినియోగం తయారీ రంగం, సేవల రంగంలో పెరుగుద ప్రధాన కారణాలు. జీఎస్‌‌‌‌‌‌‌‌‌‌‌‌‌‌‌‌టీ రేట్ల తగ్గింపు, ఆర్బీఐ వడ్డీ రేటు కోతలు ప్రైవేట్ వినియోగాన్ని పెంచుతున్నాయని జోషి వివరించారు.
