- ప్రకటించిన ఢిల్లీ ప్రభుత్వం
న్యూఢిల్లీ: మద్యం ప్రియులకు ఢిల్లీ సర్కారు గుడ్ న్యూస్ చెప్పింది. మద్యం అమ్మకాలపై 70 శాతం స్పెషల్ కరోనా ఫీజును క్యాన్సిల్ చేస్తున్నట్లు ప్రకటించింది. అయితే, అన్ని రకాల మద్యంపై వ్యాట్ ను 20 నుంచి 25 శాతం పెంచినట్లు ప్రకటించింది. ఈ ఆదేశాలు ఈ నెల 10 నుంచి అమల్లోకి రానున్నట్లు ప్రకటించింది. అదివారం జరిగిన మంత్రివర్గ సమవేశంలో సీఎం అరవింద్ కేజ్రీవాల్ ఈ నిర్ణయం తీసుకున్నారు. వీడియో కాన్ఫరెన్స్ లో మీడియాతో మాట్లాడిన కేజ్రీవాల్.. మద్యం అమ్మకాలపై కరోనా ఫీజు ఎత్తివేస్తున్నామని చెప్పారు. లాక్ డౌన్ సడలింపులపై పలు కీలక అంశాలను వెల్లడించారు. కరోనావైరస్ లాక్డౌన్ కారణంగా తీవ్రంగా దెబ్బతిన్న ఆర్థిక వ్యవస్థను గాడిలో పెట్టేందుకు కిందటి నెలలో ఢిల్లీ సర్కారు ‘స్పెషల్ కరోనా ఫీజు’ పేరిటి మందు బాటిళ్లపై 70 శాతం అదనంగా ఫీజు విధించిన సంగతి తెలిసిందే.
