లింగాల, వెలుగు: పేషెంట్లకు వైద్య సేవల్లో నిర్లక్ష్యం చేయొద్దని, ఓపీ సంఖ్య పెంచాలని డీఎంహెచ్వో రవికుమార్ ఆదేశించారు. శనివారం లింగాల మండలంలోని అంబటిపల్లి పీహెచ్సీని ఆయన ఆకస్మికంగా తనిఖీ చేశారు. పేషెంట్లకు అందుతున్న వైద్య సేవలపై సిబ్బందిని ఆరా తీశారు.
ఓపీ, అటెండెన్స్ రిజిస్టర్లను, మందుల స్టోర్రూంను పరిశీలించారు. వ్యాక్సిన్ల వివరాలు తెలుసుకున్నారు. డిసెంబర్ 1న ప్రపంచ ఎయిడ్స్ దినోత్సవం సందర్భంగా అవగాహన కార్యక్రమం నిర్వహించాలని సూచించారు. హెల్త్ అసిస్టెంట్ రామచందర్, ఫార్మసిస్టు రవీందర్, స్టాఫ్ నర్స్ అనిత తదితరులున్నారు.
