వేసవి అనగానే ముందుగా అందరినీ ఇబ్బంది పెట్టే సమస్య ఉక్కపోత, చెమట, ఉక్కపోత నుంచి కాపాడుకోవాలంటే చల్లగా ఉన్న ప్రదేశంలో కొంత సేపు ఉంటే సరిపోతుంది. కానీ చెమటను మాత్రం నివారించలేరు. కొంత మందికి చల్లని ప్రదేశంలో ఉన్నా చెమటలు వస్తూనే ఉంటాయి. చెమటతో పాటు శరీరం నుంచి దుర్వాసన కూడా. ఇది ఇంకా ఎక్కువ ఇబ్బంది పెడుతుంది. అందుకే వేసవి అనగానే చాలామంది చిరాకు పడుతుంటారు. మరి ఈ చెమట నుంచి ఎలా బయట పడాలి?
ప్రతీ మనిషి శరీరంలో సుమారు రెండు నుంచి నాలుగు మిలియన్ల స్వేదగ్రంథులు ఉంటాయి . ఇవి చర్మం కింద ఉండే డెర్మిస్ పొరలో ఉంటాయి. గ్రంథుల నుంచే చెమట వస్తుంది. అయితే ఎండాకాలంలో గాలిలో ఉండే ఎక్కువ వేడి కారణంగా శరీర ఉష్ణోగ్రత ఉండాల్సిన దానికంటే పెరిగిపోతుంది. దాన్ని చల్లబరిచేందుకు చెమట ఎక్కువగా ఏర్పడుతుంది.
మంచిదే కానీ..
నిజానికి చెమట రావడం వల్ల నష్టమేమీ లేదు. ఇది శరీరానికి, ఆరోగ్యానికి చాలా మంచిది. ఇది శరీరంలోని ఉష్ణోగ్రతను నియంత్రించే విధానం. ఎండకు, ఎక్కువ వేడికి చర్మం ఎండిపోకుండా ఉంచేందుకే చెమట వస్తుంది. కానీచెమటతో పాటు వచ్చే దుర్వాసనే కాస్త ఇబ్బంది పెట్టే విషయం. సాధారణంగా చెమటలో నీరు, అమోనియా, ఆమ్ల లవణాలు, క్లోరైడ్స్ లాంటివి ఉంటాయి. వీటికి ఎటువంటి దుర్వాసన ఉండదు. కానీ చెమట ఎండిపోయిన తర్వాత శరీరంపై ఉన్న బ్యాక్టీరియాతో ఈ ఆమ్లాలు చేరడం పల్ల చెమట దుర్వాసన వస్తుంది.
Also Read : ఏ గుడిలో.. ఏ దేవుడిని దర్శించుకుని యాత్ర ప్రారంభించాలో తెలుసా..!
ఇంకా పెరుగుతుంది
సాధారణంగా వచ్చే చెమటతో పాటు మనం తీసుకునే ఆహారం వల్ల కూడా చెమట ఇంకా పెరుగుతుంది. మసాలాలు ఎక్కువగా ఉండే పదార్థాలు తినడం, ఉప్పు ఎక్కువగా తీసుకోవడం వల్ల శరీర ఉష్ణోగ్రత పెరుగుతుంది. దీంతోపాటు. వెలుల్లి. నాన్ వెజ్ తినడం. వల్ల చెమటలో దుర్వాసన పెరుగుతుంది. అందుకే ఎండాకాలంలో వేడిని పెంచే పదార్థాలు, మాంసాహారం తగ్గిస్తే మంచిది.
శుభ్రత అవసరం
వేసవిలో చెమట నుంచి, దుర్వాసన నుంచి బయటపడాలంటే ముందుగా వ్యక్తిగత శుభ్రతకు ప్రాధాన్యత ఇవ్వాలి. అందుకే రోజుకి రెండు మూడుసార్లు స్నానం చేయాలి. అలాగే స్నానం చేసేటప్పుడు స్క్రబ్బర్ ను ఉపయోగించి శరీరాన్ని బాగా రుద్ది స్నానం చేయడం వల్ల చర్మ రంధ్రాలు తెరచుకొనిశుభ్రపడతాయి. ఇలా వారానికి కనీసం రెండు సార్లయినా చేయాలి.
Also Read : ఉదయం ఈ లక్షణాలు కనిపిస్తే జాగ్రత్త
అలాగే కొన్ని పుదీనా ఆకులను నీటిలో కలిపి స్నానం చేస్తే ఆ రోజంతా చర్మం తాజాగా ఉంటుంది. దాంతో చెమట పట్టినా దుర్వాసన రాదు. అలాగే స్నానం చేసిన తర్వాత శరీరానికి ఆస్ట్రిజెంట్ను రాయాలి. ఆస్ట్రిజెంట్ ను అప్లై చేయడం వల్ల చర్మం మీద ఉన్న అతి సూక్ష్మమైన బ్యాక్టీరియా నశిస్తుంది. అలాగే ఆస్ట్రిజెంట్ చర్మంలోకి త్వరగా ఇంకిపోయి చెమట రాకుండా కాపాడుతుంది.
వీటితో పాటు నేచురల్ ఫైబర్ తో తయారు చేసిన దుస్తులనుగానీ. కాటన్ దుస్తులను గానీ వేసుకోవాలి. అప్పుడు శరీరం నుంచి వెలువడే చెమట దుర్వాసన సాధ్యమైనంత వరకు తొలగిపోతుంది. చెమటను ఎప్పటికప్పుడు పీల్చేసి చల్లబరిచే గుణాలు ఈ దుస్తులకు ఎక్కువగా ఉంటాయి.
వీటికి దూరంగా వేసవిలో చెమటను తగ్గించాలంటే కొన్ని ఆహారాలకు దూరంగా ఉండాలి. అందులో ముఖ్యమైనవి మసాలాలు ఎందుకంటే మసాలా ఆహారం శరీర ఉష్ణోగ్రతను పెంచి - చెమటను బయటకు రప్పించడానికి కారణమవుతుంది, అలాగే కాఫీ ఎక్కువగా తీసుకోవడం వల్ల పురుషుల్లో అధికంగా టెస్టోస్టిరాన్ ఉత్పత్తి అయ్యి, చెమటకు.. దుర్వాసనకు కారణం అవుతుంది. కాబట్టి కాఫీ, టీ, కోక్ వంటి వాటిని మితంగా తీసుకోవడం మంచిది. వీటితో పాటు వెల్లుల్లి.. ఉల్లిపాయలు వంటి వాటికి పూర్తిగా దూరంగా ఉండటమే మంచిది. సాత్వికమైన ఆహారం తీసుకోవాలి... నీరు ఎక్కువగా తాగాలి..
Also Read : బీటెక్, బీఎస్సీ క్వాలిఫికేషన్ తో.. TIFR , ఇండియన్ ఆర్మీలో జాబ్స్
కొంతమందికి శరీరంలోని కొన్ని ప్రదేశాల్లోనే ఎక్కువగా చెమట పడుతుంటుంది. అందులో ముఖ్యంగా బాహుమూలాలు (అండర్ ఆమ్స్)లో ఎప్పుడూ చెమట ఉంటుంది. కాబట్టి అటువంటి ప్రదేశంలో టీట్రీ ఆయిల్ తో శుభ్రంగా తుడుచుకోవాలి. అలాగే నేచురల్ యాంటి సెప్టిక్స్ ఉపయోగించడం వల్ల శరీరంలో ఉన్న బ్యాక్టీరియాలు తొలగిపోతాయి.
టాల్కమ్ పౌడర్ ను ఉపయోగించడం, నిమ్మతొక్కతో స్నానం చేయడం వల్ల చాలా ఫలితాలు ఉంటాయి. ఇవి శరీరాన్ని ఫ్రెష్ గా మార్చడమే కాకుండా చెమట దుర్వాసనను నివారిస్తాయి. వీటన్నిటితో పాటు ఎక్కువగా మంచినీళ్లు తాగటం, ఎక్కువగా పండ్లను తింటూ, చిరుతిండ్లు, వేపుళ్లు తినడం మానేస్తే మంచి ఫలితం ఉంటుంది.
