నాగర్ కర్నూల్ టౌన్, వెలుగు: పోలింగ్ ముగిసిన తరువాత కట్టుదిట్టమైన భద్రత నడుమ ఈవీఎంలను స్ట్రాంగ్రూమ్లకు తరలించినట్లు నాగర్కర్నూల్ కలెక్టర్ ఉదయ్కుమార్ తెలిపారు. జిల్లాలోని నాగర్ కర్నూల్, అచ్చంపేట, కొల్లాపూర్ నియోజకవర్గాలకు సంబంధించిన 802 యూనిట్లను ఎన్నికలు ముగిసిన అనంతరం ప్రత్యేక వాహనాల్లో తరలించారు. ఈవీఎంలను శుక్రవారం మార్కెట్ యార్డులో ఎన్నికల అబ్జర్వర్లు మితిలేశ్మిశ్రా, సతీశ్కుమార్, వివిధ రాజకీయ పార్టీల నేతల సమక్షంలో ఈవీఎంలు, ఎన్నికల సామాగ్రిని స్ట్రాంగ్‌‌‌‌‌‌‌‌రూముల్లో భద్రపరిచారు.
స్ట్రాంగ్ రూమ్లకు మూడంచెల భద్రత కల్పించారు. స్ట్రాంగ్ రూమ్ చుట్టుపక్కలకు ఎవరినీ అనుమతించవద్దని భద్రతా సిబ్బందిని ఆదేశించారు. కౌంటింగ్ లో ఎలాంటి సమస్యలు తలెత్తకుండా ఏర్పాట్లు చేయాలని అధికారులను సూచించారు. సుదూర ప్రాంతాల నుంచి వచ్చిన ఎన్నికల సిబ్బందిని ప్రత్యేకంగా ఏర్పాటు చేసిన ఆర్టీసీ బస్సుల్లో పంపించినట్లు తెలిపారు. అడిషనల్ కలెక్టర్ కె సీతారామారావు, ఆర్వోలు కుమార్ దీపక్, వెంకట్ రెడ్డి, గోపీరాం పాల్గొన్నారు.
కౌంటింగ్ కు ఏర్పాట్లు పూర్తి చేసినం
గద్వాల: ఈ నెల 3న జరిగే ఓట్ల లెక్కింపు కోసం అన్ని ఏర్పాట్లు చేసినట్లు గద్వాల కలెక్టర్ వల్లూరు క్రాంతి, ఎన్నికల పరిశీలకుడు వసంత కుమార్ తెలిపారు. శుక్రవారం గోనుపాడు పాలిటెక్నిక్ కాలేజీలో ఈవీఎంలను రాజకీయ పార్టీ ప్రతినిధులతో కలిసి స్ట్రాంగ్రూమ్లలో భద్రపరిచి సీల్ వేశారు. అలంపూర్, గద్వాల నియోజకవర్గాలకు సంబంధించి ఈవీఎంలను భద్రపరిచామని తెలిపారు. రాజకీయ పార్టీల ఏజెంట్లు ఐడీ కార్డుల కోసం దరఖాస్తు చేసుకోవాలని సూచించారు. అడిషనల్ కలెక్టర్లు అపూర్వ్ చౌహాన్, శ్రీనివాస్, ఆర్డీవో చంద్రకళ, ఏఎస్పీ రవి పాల్గొన్నారు.
