గది ఉష్ణోగ్రత వద్ద ఆహారాన్ని ఓపెన్ చేసి ఉంచడం మానుకోవాలని ఆహార నిపుణులు, ప్రజలకు సలహా ఇస్తున్నారు, ముఖ్యంగా బియ్యం, పాస్తా వంటి పొడి ఆహారాలు. ఇది 'ఫ్రైడ్ రైస్ సిండ్రోమ్' ప్రమాదాన్ని పెంచుతుంది. ఇది బాసిల్లస్ సెరియస్ అనే బ్యాక్టీరియా వల్ల కలిగే ఒక రకమైన ఫుడ్ పాయిజనింగ్. ఆహారాన్ని రిఫ్రిజిరేటర్ లో ఎక్కువసేపు ఉంచినప్పుడు, ఈ బాక్టీరియం డెవలప్ అవుతుంది. సోషల్ మీడియాలో 15ఏళ్ల నాటి కేసు పునరుద్ధరణ తర్వాత ఈ రకమైన ఫుడ్ పాయిజనింగ్ మరోసారి ఈ వార్త హాట్ టాపిక్ గా మారింది.
ఫ్రైడ్ రైస్ సిండ్రోమ్ 2008లో మొదటిసారిగా బెల్జియంలో నివేదించబడింది. జర్నల్ ఆఫ్ క్లినికల్ మైక్రోబయాలజీ నుంచి వచ్చిన ఒక కేసు నివేదిక ప్రకారం, ఓ విద్యార్థి ఐదు రోజులు ఫ్రిజ్ ఉంచి.. ఆ తర్వాత బయటికి తీసి వేడి చేసిన స్పఘెట్టిని తిన్నాడు. అతను మైక్రోవేవ్‌లో మళ్లీ వేడి చేసిన తర్వాత ఆ భోజనాన్ని తిన్నాడు. మరుసటి రోజు రాత్రి అతను వికారం, తలనొప్పి, కడుపులో అసౌకర్యం వంటి లక్షణాలతో మరణించాడు.
ఫ్రైడ్ రైస్ సిండ్రోమ్ అంటే ఏమిటి?
వాతావరణంలో ఉండే బాసిల్లస్ సెరియస్ అనే బాక్టీరియానే ఫ్రైడ్ రైస్ సిండ్రోమ్‌గా మారుతుంది. బాసిల్లస్ సెరియస్ అనేది పర్యావరణంలోని ఏ భాగంలోనైనా కనిపించే ఒక నార్మల్ బ్యాక్టీరియా. సరిగ్గా కడగని లేదా శుభ్రం చేయని లేదా కొన్ని వండిన ఆహారాలలోకి ప్రవేశించి ఇది తీవ్రమైన ఆరోగ్య సమస్యలను కలిగిస్తుంది. పాస్తా, బియ్యం వంటి పిండి పదార్ధాలు ఈ సిండ్రోమ్ కేంద్రం. అయినప్పటికీ, ఇది మాంసం వంటకాలు, వండిన కూరగాయలు వంటి ఇతర ఆహారాలపై కూడా ప్రభావం చూపుతుంది.
ఈ సూక్ష్మజీవులు విషాన్ని సృష్టిస్తాయి. ఇవి ఆహారాన్ని గది ఉష్ణోగ్రత వద్ద లేదా శీతలీకరణ లేకుండా ఎక్కువసేపు ఉంచితే బాక్టీరియా పెరిగే అవకాశం ఉంది.
ఫ్రైడ్ రైస్ సిండ్రోమ్ లక్షణాలు
ఆహారాన్ని విషంగా మార్చే ఒక రకమైన బ్యాక్టీరియానే బాసిల్లస్ సెరియస్. ఈ బ్యాక్టీరియాకు సంబంధించిన అంటువ్యాధులు రెండు రకాలు: ఒకటి వాంతులు, మరొకటి అతిసారం. లక్షణాలు రోగనిరోధక వ్యవస్థ గల కొందరికి సాధారణంగా కొన్ని రోజలకు కనిపించినప్పటికీ వారికి వైద్య సంరక్షణ అవసరం కావచ్చు. బాసిల్లస్ సెరియస్ వ్యాధిని నిర్ధారించడం చాలా కష్టం. ఎందుకంటే దాని లక్షణాలు ఇతర జీర్ణశయాంతర వ్యాధుల మాదిరిగానే ఉంటాయి.
