న్యూఢిల్లీ: విదేశీ లోన్ల (ఈసీబీ) ద్వారా బిలియన్ డాలర్ల విలువైన (రూ.8,200 కోట్లు) బాకీ తీసుకోవడానికి హెచ్డీఎఫ్సీ బ్యాంక్ప్రయత్నాలు మొదలుపెట్టింది. లోన్ గడువు 1–5 ఐదేళ్ల మధ్య ఉండొచ్చని సంబంధిత వర్గాలు తెలిపాయి. దేశంలో లోన్లకు భారీగా డిమాండ్ పెరుగుతుందన్న అంచనాలతో ఇంత భారీ మొత్తాన్ని హెచ్డీఎఫ్సీ బ్యాంక్ అప్పు తీసుకుంటోందని పేర్కొన్నాయి. ఇండియా బ్యాంకులు విదేశీ బ్యాంకుల నుంచి తీసుకునే మొత్తాన్ని ఆర్బీఐ 1.5 బిలియన్ డాలర్లకు పెంచింది. హెచ్డీఎఫ్సీ బ్యాంక్తోపాటు హెచ్డీఎఫ్సీ విలీనానికి బీఎస్ఈ, ఎన్ఈలు అనుమతి ఇచ్చిన నేపథ్యంలో ఈ బ్యాంకు ఈసీబీ కోసం ప్రయత్నాలను మొదలుపెట్టింది. కొత్త సంస్థ అసెట్బేస్ విలువ రూ.18 లక్షల కోట్లు ఉంటుంది. 2024 ఆర్థిక సంవత్సరం రెండు లేదా మూడో క్వార్టర్నాటికి విలీనం పూర్తవుతుంది. విలీనానికి రెగ్యులేటరీ అప్రూవల్స్ అవసరమని హెచ్డీఎఫ్సీ బ్యాంక్ వర్గాలు తెలిపాయి.
కొత్తగా 100 శాఖలు ప్రారంభం
హెచ్డీఎఫ్సీ బ్యాంకు భారతదేశ వ్యాప్తంగా 100 కొత్త శాఖలను ప్రారంభించినట్టు ప్రకటించింది. ఇవి 15 రాష్ట్రాలు, కేంద్ర పాలిత ప్రాంతాలలోని 83 నగరాలు/పట్టణాలలో మొదలయ్యాయి. వీటిలో సగం వరకు చిన్న నగరాలు, గ్రామీణ ప్రాంతాలలో ఉన్నాయి. కొత్త శాఖలను బ్యాంకు మేనేజింగ్ డైరెక్టర్ శశిధర్ జగదీశన్ డిజిటల్ విధానంలో ప్రారంభించారు. మధ్యప్రదేశ్‌‌‌‌‌‌‌‌‌‌‌‌‌‌‌‌లోని సీనియర్ బ్యాంకు అధికారులు కార్యక్రమంలో పాల్గొన్నారు. ఈ విషయమై హెచ్డీఎఫ్సీ బ్యాంకు రిటెయిల్ బ్రాంచ్ బ్యాంకింగ్ గ్రూపు హెడ్ అరవింద్ వోహ్రా మాట్లాడుతూ, ‘‘మా వినియోగదారులకు సాధారణ బ్యాంక్ బ్రాంచులతోపాటు డిజిటల్ బ్యాంకింగ్ ద్వారా కూడా సమర్థంగా సేవలు అందిస్తాం. రాబోయే నెలలలో మరిన్ని ఎక్కువ శాఖలను ప్రారంభిస్తాం. నాణ్యతతో కూడిన బ్యాంకింగ్ ఉత్పత్తులను, సేవలను దేశ వ్యాప్తంగా లభించేలా చేస్తాం’’ అని ఆయన పేర్కొన్నారు.
