పొద్దున లేవగానే వేడివేడి కాఫీనో, టీనో తాగందే ఏమీ తోచదు చాలామందికి. కొందరైతే రోజుకు కనీసం ఐదారుసార్లయినా తాగుతారు. అంతేకాదు, ఇంటికి చుట్టాలొచ్చినా, ఫ్రెండ్స్తో బాతాఖానీ కొట్టేందుకైనా, ఆఫీసులో పని ఒత్తిడి నుంచి రిలాక్స్ కావాలన్నా గుర్తొచ్చేది, తోడుండేది టీ, కాఫీలే. అంతలా అవి మన జీవితంలో భాగం అయిపోయాయి. అందుకే టీ, కాఫీ దొరికే స్టాల్స్, హోటల్స్, కెఫెలు ఎక్కడ చూసినా కనిపిస్తాయి. వీటన్నిటిలోనూ వరల్డ్ నెం.1 ‘స్టార్బక్స్’. దివాలా తీసేందుకు సిద్ధంగా ఉన్న ఈ కంపెనీని వంద బిలియన్ డాలర్ల బ్రాండ్గా మార్చిన ఘనత హవర్డ్ షుల్జ్ది. తినడానికి తిండిలేని దశ నుంచి సేల్స్మ్యాన్గా మొదలై, స్టార్బక్స్ చైర్మన్గా ఎదిగిన ఆయన జీవితంలోని సంఘటనలే ఈ స్టోరీ.
అమెరికాలోని న్యూయార్క్ సిటీకి ఆనుకొని ఉండే బ్రూక్లిన్లో జూలై 19, 1953లో పుట్టాడు హవర్డ్ షుల్జ్. తల్లిదండ్రులు ఫ్రెడ్, ఎలీన్. వీళ్లు స్కాట్లాండ్ నుంచి వలస వచ్చినవాళ్లు. చాలా పేదకుటుంబం. పేదల కోసం ప్రభుత్వం కట్టించిన బిల్డింగ్లో ఒకే ఒక గదిలో ఉండేవాళ్లు. ఫ్రెడ్, ఎలీన్కు హవర్డ్కు తోడు మరో ఇద్దరు పిల్లలు పుట్టారు.
తండ్రి మంచాన పడడంతో..
కుటుంబం గడవడం కోసం దొరికిన పని చేసేవాడు ఫ్రెడ్. కూలిపనులకు వెళ్లడం, కూరగాయలు అమ్మడం వంటివి చేసేవాడు. చివరికి అమెరికా సైన్యంలో వెహికల్స్ నడపడానికి డ్రైవర్గా చేరాడు. రెండో ప్రపంచయుద్ధంలో కూడా పాల్గొన్నాడు. హవర్డ్కు ఏడేండ్లు ఉండగా ఒకరోజు రోడ్డు ప్రమాదంలో ఫ్రెడ్ తీవ్రంగా గాయపడ్డాడు. ఆరోజు నుంచి అతను మంచానికే పరిమితమయ్యాడు. దాంతో కుటుంబ బాధ్యతలను ఎలీన్ తీసుకుంది. ఎన్ని కష్టాలున్నా పిల్లల్ని మాత్రం బడికి పంపడం ఆపలేదామె.
ఫీజు కోసం రక్తం అమ్మి..
కుటుంబం కోసం అమ్మ పడుతున్న కష్టాన్ని చూసి, తాను కూడా పార్ట్టైమ్ జాబ్స్ చేయడం మొదలుపెట్టాడు హవర్డ్. పన్నెండేండ్ల వయసులో పేపర్బాయ్గా చేరాడు. ఇంటింటికీ తిరిగి న్యూస్పేపర్స్ వేసేవాడు. ఆ తర్వాత ఒక కెఫెలో చేరాడు. అయితే, చదువు మాత్రం ఆపలేదు. 1971లో హైస్కూల్ చదువు పూర్తిచేశాడు. ఆ తర్వాత కాలేజీలో చేరడానికి తగిన డబ్బు లేదు. దానికోసం అప్పటికే ఒక ప్లాన్ రెడీ చేసుకున్నాడు. స్పోర్ట్స్ కోటా స్కాలర్షిప్స్ కోసం ట్రై చేశాడు. ఎందుకంటే ఫుట్బాల్, బేస్బాల్, బాస్కెట్బాల్ ఆటల్లో హవర్డ్ మంచి కీ ప్లేయర్. అతను కోరుకున్నట్లే నార్తర్న్ మిషిగన్ యూనివర్సిటీలో స్పోర్ట్స్ కోటా స్కాలర్షిప్స్తో సీటు తెచ్చుకున్నాడు. అయితే, ఫీజు కట్టడానికి ఆ డబ్బు సరిపోలేదు. దాంతో ఫ్రెండ్స్ దగ్గర అప్పు తీసుకునేవాడు. వాటిని చెల్లించడానికి పార్ట్టైమ్ జాబ్స్ చేసేవాడు. అయినా, డబ్బు సరిపోక చాలాసార్లు తన రక్తం కూడా అమ్ముకున్నాడు. అలా కష్టాలు పడుతూనే1975లో బిజినెస్ అండ్ మార్కెటింగ్లో డిగ్రీ పూర్తిచేశాడు.
బతిమాలుకొని ‘స్టార్బక్స్’లోకి
చదువు పూర్తయ్యాక మిషిగన్లోనే ఒక లాడ్జ్లో ఏడాదిపాటు ఉద్యోగం చేశాడు హవర్డ్. తర్వాత న్యూయార్క్లోని ‘జిరాక్స్’ కంపెనీలో చేరాడు. మూడేండ్లు అక్కడ సేల్స్మ్యాన్గా చేశాక, ఒక హోమ్ అప్లయన్స్ కంపెనీలో చేరాడు. అక్కడ ఇంటికి అవసరమైన రకరకాల వస్తువుల్ని అమ్మేవాళ్లు. వాటిలో కాఫీ గింజల్ని ప్రాసెసింగ్, గ్రైండింగ్ చేసే మెషిన్స్ కూడా ఉండేవి. వీటిని కొనడానికి అప్పుడప్పుడు వచ్చే ‘స్టార్బక్స్’ ఉద్యోగితో హవర్డ్కు ఫ్రెండ్ షిప్ పెరిగింది. ఒకరోజు ఆ ఫ్రెండ్ కోరడంతో సియాటెల్లోని ‘స్టార్బక్స్’ షాప్కు వెళ్లాడు. అక్కడ కాఫీ గింజల్ని, కాఫీ మెషిన్స్ను అమ్మేవాళ్లు. ఆ బిజినెస్కు మంచి ఫ్యూచర్ ఉంటుంది అనిపించింది హవర్డ్కు. న్యూయార్క్కు తిరిగి వెళ్లినప్పటికీ అతని మనసంతా ‘స్టార్బక్స్’పైనే ఉంది. దాంతో చాలాసార్లు స్టార్బక్స్ చైర్మన్కు ఫోన్ చేసి ఉద్యోగం కోసం బతిమాలుకున్నాడు. చివరికి ఆయన ఒప్పుకున్నాడు. అయితే, హవర్డ్కు ప్రస్తుతం వస్తున్న జీతంలో సగం మాత్రమే ఇస్తామన్నాడు. దానికి సంతోషంగా ఒప్పుకున్న హవర్డ్1982లో న్యూయార్క్ను వదిలిపెట్టి సియాటెల్కు చేరుకున్నాడు. హవర్డ్కు ప్రస్తుతం వస్తున్న జీతంలో సగం మాత్రమే ఇస్తామన్నాడు. దానికి సంతోషంగా ఒప్పుకున్న హవర్డ్1982లో న్యూయార్క్ను వదిలిపెట్టి సియాటెల్కు చేరుకున్నాడు.
మలుపుతిప్పిన ఇటలీ ప్రయాణంకాఫీలు ఉండేవి. అంతేకాదు, అక్కడ హవర్డ్ను ఆకట్టుకున్న మరో విషయం ఉంది. అది.. హోటల్స్లో మాదిరే కస్టమర్స్ కూర్చోవడానికి, గంటల తరబడి మాట్లాడుకుంటూ కాఫీలు తాగడానికి అవసరమైన కుర్చీలు, టేబుల్స్ ఆ కెఫెల్లో ఉండడం. అలాగే, కస్టమర్స్ ఆర్డర్స్ ఇచ్చిన వాటిని వేడివేడిగా తయారుచేయడానికి, సర్వ్ చేయడానికి పనివాళ్లు కూడా ఉండేవాళ్లు. దాంతో ఆ కెఫెలన్నీ ఎప్పుడూ జనంతో కిటకిటలాడేవి. హవర్డ్ ఇటలీ నుంచి తిరిగి సియాటెల్కు వెళ్లాక తాను చూసినదాన్ని ‘స్టార్బక్స్’ ఓనర్స్కు చెప్పాడు. మనం కూడా అలాగే షాప్ని మారుద్దామని, మరికొన్ని బ్రాంచ్ల్ని పెడదామని సలహా ఇచ్చాడు. అయితే, హవర్డ్ మాటల్ని వాళ్లు ఒప్పుకోలేదు. కారణం.. అప్పటికీ కాఫీ అంటే కేవలం ఇంట్లో మాత్రమే చేసేదని, అది కూడా ఆడవాళ్ల డ్యూటీ మాత్రమేనని వాళ్లు అనుకోవడం. దాంతో తానే సొంతంగా కాఫీ బిజినెస్ స్టార్ట్ చేయాలనుకున్నాడు హవర్డ్. వెంటనే ఉద్యోగానికి రాజీనామా చేశాడు.
సొంతంగా బిజినెస్లోకి..
సొంతంగా కాఫీ బిజినెస్ పెట్టడానికి హవర్డ్కు 1.7 మిలియన్ డాలర్లు అవసరమైంది. అంత డబ్బు అతని దగ్గర లేదు. దానికోసం బ్యాంక్లో లోన్తోపాటు, స్టార్బక్స్ ఓనర్స్ నుంచి అప్పు తీసుకున్నాడు. ఆ సొమ్ముతో 1986 ఏప్రిల్లో సియాటెల్లో ‘ఈల్ జోర్నాలే’ పేరుతో షాప్ మొదలుపెట్టాడు. దీనికి మొదటిరోజు నుంచే జనం బాగా రావడం మొదలైంది. ఏడాదిలోనే అప్పులు తీరిపోవడంతోపాటు లాభం కూడా వచ్చింది. అదే టైంలో ‘స్టార్బక్స్’ను అమ్మేయాలని అనుకున్నారు దాని ఓనర్లు. వెంటనే వాళ్లను కలసి తనకే అమ్మాలని కోరాడు. అయితే, వాళ్లు 4 మిలియన్ డాలర్లు అడిగారు. అంత డబ్బు లేకపోవడంతో మళ్లీ కొంత మంది దగ్గర అప్పు తీసుకున్నాడు. అప్పుడు హవర్డ్కు అప్పు ఇచ్చినవాళ్లలో బిల్ గేట్స్ కూడా ఉన్నాడు. ఎలాగైతేనేం స్టార్బక్స్ను సొంతం చేసుకున్నాడు హవర్డ్. దాంట్లోకి తన కంపెనీ ‘ఈల్ జోర్నాలే’ను కలిపేశాడు.
వరల్డ్ నెం.1గా..
‘స్టార్బక్స్’ను కొన్నాక బిజినెస్ను మరింత డెవలప్ చేయాలనుకున్నాడు హవర్డ్. ఇటలీలోని కెఫెల్లో కాఫీ తయారుచేసే ఉద్యోగుల్ని రప్పించాడు. అలాగే కాఫీలో సరికొత్త బ్రాండ్స్ తెచ్చాడు. కాఫీ, టీలకు తోడు ఐస్క్రీమ్స్, ఫుడ్ ఐటమ్స్, బేకరీ ప్రొడక్ట్స్, స్నాక్స్, స్వీట్స్ వంటివి కూడా మెల్లగా మెనూలో చేర్చాడు. దాంతో ‘స్టార్బక్స్’కు డిమాండ్ బాగా పెరిగింది. మెల్లగా బ్రాంచ్లు వేరే సిటీల్లోనూ మొదలుపెట్టాడు. అలా అమెరికాలోని దాదాపు అన్ని టౌన్లలోనూ ‘స్టార్బక్స్’ మొదలైంది. ఆ తర్వాత వేరే దేశాల్లో కూడా బ్రాంచ్లు మొదలయ్యాయి. ఇప్పుడు ప్రపంచంలోని దాదాపు 80 దేశాల్లో 33వేలకు పైగా ‘స్టార్బక్స్’ కెఫెలు ఉన్నాయి. అలాగే స్టార్బక్స్ బ్రాండ్ విలువ 100 బిలియన్ డాలర్లకు చేరింది. హవర్డ్ దాదాపు 4 బిలియన్ డాలర్ల ఆస్తులతో ‘ఫోర్బ్స్’ టాప్–500 బిలియనీర్స్ లిస్ట్లో ఉన్నాడు. హవర్డ్కు 1982లో షెరి కెర్ష్తో పెండ్లి అయింది. వీళ్లకు ఇద్దరు పిల్లలు.
‘స్టార్బక్స్’కు మొదటి ఓనర్లు జెర్రీ బాల్డ్విన్, సీగెల్, గోర్డాన్. వీళ్లు యూనివర్సిటీ ఆఫ్ శాన్ఫ్రాన్సిస్కోలో చదివేటప్పుడు ఫ్రెండ్స్ అయ్యారు. కాఫీని చాలా ఇష్టపడే ఈ ముగ్గురూ సియాటెల్ కేంద్రంగా మార్చి 30, 1971లో కాఫీ షాప్ పెట్టారు. అప్పటికి ఫేమస్ అయిన ‘మోబీ–డిక్’ నవలలోని క్యారెక్టర్ అయిన ‘స్టార్బక్’ పేరు పెట్టారు. ఆ నవల్లో తిమింగలాల వేటకు వాడే పడవకు కెప్టెన్ స్టార్బక్. లోగో కోసం గ్రీక్ పురాణాల్లో కనిపించే ‘రెండు తోకల మత్స్యకన్య’ బొమ్మను ఎంచుకున్నారు. కారణం ఏంటంటే మత్స్యకన్యలు పడవల్లో వెళ్లేవాళ్లను ఆకర్షిస్తారు. అలాగే, తమ కాఫీ షాప్ కూడా కస్టమర్లను ఆకర్షించాలనుకున్నారు ఆ మిత్రులు. అందుకే రెండు తోకల మత్స్యకన్య బొమ్మను లోగోగా ఎంచుకున్నారు.
యువత కోసం షుల్జ్ ఫౌండేషన్
ప్రపంచంలోని కుబేరుల్లో ఒకడిగా మారినప్పటికీ తన మూలాలను మాత్రం మర్చిపోలేదు హవర్డ్. చిన్నప్పుడు తమ ఫ్యామిలీ పడిన కష్టాలు, చదువు, ఉద్యోగం, బిజినెస్ టైంలో తాను పడిన ఇబ్బందులు అన్నీ గుర్తుపెట్టుకున్నాడు. అందుకే పేదలు, యువత కోసం 1996లో ‘షుల్జ్ ఫ్యామిలీ ఫౌండేషన్’ పెట్టాడు. కుల, మత, వర్ణ వివక్ష లేకుండా పేదరికం పోగొట్టడానికి అవసరమైన కార్యక్రమాలు, చదువు కోసం సాయం చేస్తుంది ఈ సంస్థ. దీనికోసం ఎన్నో వందల డాలర్లు ఖర్చుపెట్టాడు. అలాగే సొంతంగా బిజినెస్, స్టార్టప్స్ పెట్టాలనుకునే యువత కోసం 2021లో 100 మిలియన్ డాలర్లతో ‘ది ఎంట్రప్రెనూర్స్ ఈక్విటీ ఫండ్’ పేరుతో మరో ప్రాజెక్ట్ కూడా స్టార్ట్ చేశాడు.