న్యూఢిల్లీ: ప్యాకేజ్డ్ కన్స్యూమర్ గూడ్స్ కంపెనీ హిందుస్థాన్ యూనిలీవర్ లిమిటెడ్ (హెచ్యూఎల్).. లైఫ్బాయ్, లక్స్ పియర్స్ సబ్బులతో పాటు సర్ఫ్ ఎక్సెల్ మాటిక్, కంఫర్ట్ ఫాబ్రిక్ కండీషనర్, డోవ్ బాడీ వాష్ వంటి బ్రాండ్ల ధరలను పెంచింది. బ్రోకరేజ్ సంస్థ ఎడల్వీస్ సెక్యూరిటీస్ తెలిపిన వివరాల ప్రకారం హెచ్యూఎల్ హోమ్, పర్సనల్ కేర్ కేటగిరీ ప్రొడక్టుల ధరలు 1-–9 % వరకు పెరిగాయి. ఈ ఎఫ్ఎంసీజీ (ఫాస్ట్ మూవింగ్ కన్స్యూమర్ గూడ్స్) కంపెనీ ఫిబ్రవరిలో ధరలను పెంచడం ఇది రెండోసారి. “ హెచ్యూఎల్ ఫిబ్రవరిలో మరోసారి ధరలను పెంచింది. సర్ఫ్ ఎక్సెల్ మాటిక్, కంఫర్ట్ ఫ్యాబ్రిక్ కండీషనర్, డోవ్ బాడీ వాష్, లైఫ్బాయ్, లక్స్ పియర్స్ సోప్స్, రిన్ వంటి అనేక ప్రొడక్టుల ధరలను పెంచింది’’ అని ఎడల్వీస్ సెక్యూరిటీస్ ఎగ్జిక్యూటివ్ డైరెక్టర్ అవనీశ్ రాయ్ తెలిపారు. రెండు వారాల క్రితం ఇదే కంపెనీ సబ్బులు, డిటర్జెంట్లు డిష్ వాషింగ్ ప్రొడక్టుల రేట్లను 3-–10 % వరకు పెంచింది. వీటిలో సర్ఫ్ ఎక్సెల్ ఈజీ వాష్ డిటర్జెంట్, సర్ఫ్ ఎక్సెల్ క్విక్ వాష్, విమ్ బార్ లిక్విడ్, లక్స్, రెక్సోనా సబ్బులు, పాండ్స్ టాల్కమ్ పౌడర్లు ఉన్నాయి.