గ్లోబల్ టూరిజంను పెంపొందించడం, ప్రతికూల అవగాహనలను ఎదుర్కోవడమే లక్ష్యంగా భారతీయ పౌరులతో పాటు 32 ఇతర దేశాలకు వీసాను తొలగిస్తున్నట్లు ఇరాన్ ఇటీవల ప్రకటించింది. ఇరాన్ సాంస్కృతిక వారసత్వం, పర్యాటకం, హస్తకళల మంత్రి ఎజ్జతోల్లా జర్ఘామి.. ప్రపంచ పరస్పర చర్యకు దేశం నిబద్ధతను నొక్కి చెప్పారు. ఈ జాబితాలో రష్యా, యూఏఈ, సౌదీ అరేబియా, జపాన్, బ్రెజిల్ వంటి దేశాలు ఉన్నాయి. ఈ చర్య మలేషియా, శ్రీలంక, థాయ్లాండ్, వియత్నాం వంటి దేశాలు ఇలాంటి నిర్ణయాలను అనుసరించి, భారతీయ పౌరులకు వీసా అవసరాలను రద్దు చేసింది. 2022లో 13 మిలియన్లకు చేరుకున్న భారతీయ పర్యాటకుల పెరుగుదల, ప్రయాణాన్ని సులభతరం చేయడానికి పలు దేశాలను ప్రేరేపించింది. అయితే పర్యాటకుల కోసం ఇరాన్లో సందర్శించాల్సిన బెస్ట్ ప్లేసెస్ ఏంటో ఇప్పుడు తెలుసుకుందాం.
పెర్సెపోలిస్:
పెర్సెపోలిస్లోని పురాతన పెర్షియన్ సామ్రాజ్యం అవశేషాలను పరిశోధించండి. ఈ పురావస్తు అద్భుతం గత యుగం గొప్పతనాన్ని ప్రదర్శిస్తుంది. చెక్కబడిన ఈ ప్యాలెస్, రాతిలో చెక్కబడిన ప్రదేశాలు చరిత్ర ప్రియులను ఆకట్టుకుంటాయి.
ఇస్ఫహాన్:
అద్భుతమైన ఇస్లామిక్ ఆర్కిటెక్చర్కు పేరుగాంచిన ఇస్ఫహాన్ యునెస్కో జాబితా చేసిన నక్ష్-ఇ జహాన్ స్క్వేర్ను కలిగి ఉంది. ఐకానిక్ ఇమామ్ మసీదు, షేక్ లోట్ఫోల్లా మసీదు, అలీ కపు ప్యాలెస్లను కూడా ఇక్కడ చూడొచ్చు. చారిత్రాత్మక బజార్ గుండా తిరుగుతూ, సుందరమైన దృశ్యాలను వీక్షిస్తూ.. అద్భుతమైన ఖాజు వంతెనను దాటండి.
షిరాజ్:
షిరాజ్ నగరంలో తోటలను ఆస్వాదించండి. ప్రసిద్ధ పెర్షియన్ కవి హఫీజ్ సమాధిని సందర్శించండి. ఎరామ్ గార్డెన్లో దాని సువాసనగల పువ్వులను చూస్తూ.. ఫౌంటైన్లతో షికారు చేయండి. పింక్ మసీదు, నాసిర్ అల్-ముల్క్ లను కూడా పనిలో పనిగా చుట్టేయండి.
యాజ్డ్:
ఎడారి ప్రకృతి దృశ్యం ఉన్న యాజ్డ్, మానవ స్థితిస్థాపకతకు నిదర్శనం. పురాతన గాలి టవర్లు, 12వ శతాబ్దానికి చెందిన చరిత్ర కలిగిన యునెస్కో సైట్ అయిన జమేహ్ మసీదును అన్వేషించండి. పాత పట్టణం, మట్టి-ఇటుక సందుల చిట్టడవి, నగరం గొప్ప సాంస్కృతిక వారసత్వానికి ప్రతిబింబంలా నిలుస్తుంది. జొరాస్ట్రియన్ ఫైర్ టెంపుల్ని మిస్ చేయకండి. ఇది ప్రపంచంలోని పురాతన మతాలలో ఒకదానిని అనుసరించేవారి పవిత్ర స్థలంగా ప్రసిద్ది.
కాస్పియన్ సముద్రం:
ముఖ్యంగా కాస్పియన్ సముద్రానికి ఉత్తరాన వెళ్లండి. శక్తివంతమైన బజార్లు, ఆహ్లాదకరమైన స్థానిక వంటకాలకు ప్రసిద్ధి చెందిన రాష్త్ సుందరమైన పట్టణాన్ని అన్వేషించండి. బందర్-ఇ అంజలిలోని కాస్పియన్ తీరప్రాంతం వెంబడి తీరికగా షికారు చేయండి. ఈ ప్రాంతంలో ప్రశాంతతను ఆస్వాదించండి.