కామారెడ్డి, వెలుగు: జిల్లాలోని నాగిరెడ్డిపేట మండలం మాల్తుమ్మెదలోని సీడ్ఫామ్లో సాగునీటి కష్టాలు మొదలయ్యాయి. నీళ్లు సరిపోక పూర్తి స్థాయి భూముల్లో రైతులు విత్తన పంటలు సాగు చేయడం లేదు. దీంతో సమీపంలోని పోచారం ప్రాజెక్టు నుంచి నీటిని లిఫ్ట్ చేయాలని అగ్రికల్చర్ ఆఫీసర్లు ప్రభుత్వానికి ప్రపోజల్స్ పెట్టారు. సర్వే చేసిన ఇరిగేషన్ఆఫీసర్లు డెడ్స్టోరేజీ నుంచి లిఫ్ట్చేయడం సాధ్యం కాదని రిపోర్ట్ ఇచ్చినట్లు తెలుస్తోంది.
702 ఎకరాల్లో సీడ్ఫామ్..
మాల్తుమ్మెదలో సీడ్ఫామ్702 ఎకరాల విస్తీర్ణంలో ఏర్పాటు చేయగా, ఇందులో 61ఎకరాలు హార్టికల్చర్కు కేటాయించగా, 5 ఎకరాల ఫారెస్ట్ నర్సరీకి, 41 ఎకరాల్లో లేబర్స్కు పట్టాలు ఇచ్చారు. ప్రస్తుతం సీడ్ఫామ్ కు 595 ఎకరాల భూమి ఉంది. గతంలో వ్యవసాయ విస్తరణ ఆఫీసర్లకు కూడా ఇక్కడ ట్రైనింగ్ఇచ్చేవారు. ప్రస్తుతం ట్రైనింగ్ సెంటర్ను మూసేశారు. ప్రస్తుతం ఇక్కడ వరి విత్తనాలను మాత్రమే ఉత్పత్తి చేస్తున్నారు. వానాకాలం సీజన్లో దాదాపు వంద ఎకరాల్లోపు సాగు చేస్తుండగా, యాసంగిలో 40 ఎకరాల్లో సాగు చేస్తున్నారు. ఈ సారి యాసంగిలో 60 ఎకరాల్లో వరికి బదులుగా ప్రయోగాత్మకంగా పత్తి పంటను సాగు చేశారు.
సాగు నీటి కొరత
సీడ్ ఫామ్లో 12 బోరు బావులు ఉన్నప్పటికీ భూగర్భ జలాలు లేక బోర్లు పోయడం లేదు. ఫామ్పక్క నుంచే పోచారం కెనాల్ వెళ్తోంది. బోర్లు, పోచారం కెనాల్ నుంచి నీటిని తీసుకొని వరి పంటను సాగు చేస్తున్నారు. భూములు రోడ్డుకు రెండు వైపుల ఉంటాయి. ఒక వైపు ఉన్న భూముల పక్క నుంచే కెనాల్ వెళ్తుండగా, మరో పక్క భూములు నీళ్లందక బీళ్లుగా మారాయి.
పోచారం ప్రపోజల్స్ పక్కకు..
మాల్తుమ్మెద సీడ్ ఫామ్దగ్గరలోనే పోచా రం ప్రాజెక్టు ఉంటుంది. ఈ ప్రాజెక్టు కెపాసిటీ 2.4 టీఎంసీలు కాగా, పూడిక నిండి ప్రస్తుతం 1.5 టీఎంసీల నుంచి 2 టీఎంసీల నీళ్లు నిల్వ ఉంటున్నాయి.
ప్రాజెక్టు డెడ్ స్టోరేజీ నుంచి పైపులైన్ ద్వారా అగ్రికల్చర్, హార్టికల్చర్ విత్తనోత్పత్తి క్షేత్రాలకు సాగు నీటిని తరలించాలని అగ్రికల్చర్ ఆఫీసర్లు ప్రభుత్వానికి ప్రపోజల్స్ పంపారు. దీనిపై అప్పటి అగ్రికల్చర్ మినిస్టర్ పోచారం శ్రీనివాస్రెడ్డి సీడ్ఫామ్ను విజిట్చేసి పూర్తి భూమిని సాగులోకి తీసుకొచ్చే విధంగా చర్యలు తీసుకుంటామని చెప్పారు. పోచారం ప్రాజెక్టు నుంచి లిప్ట్ ద్వారా సాగు నీటిని తరలించే ప్రపోజల్స్ను పరిశీలించాలని ఆఫీసర్లను ఆదేశించారు. ఇరిగేషన్ ఆఫీసర్లు సర్వే చేసి లిఫ్ట్ చేసేందుకు రూ.12 కోట్ల వరకు ఖర్చు అవుతుందని అంచనా వేశారు. ప్రాజెక్టు నీటి సామర్థ్యం తక్కువగా ఉండడం, లిప్ట్ ద్వారా ఫామ్కు నీటి తరలింపు కష్టమేనని రిపోర్టు ఇచ్చినట్లు అగ్రికల్చర్ ఆఫీసర్లు చెప్తున్నారు. ఆల్టర్నేట్మార్గాల ద్వారా సాగు నీటి వసతిని కల్పించి ఎక్కువ విత్తన పంటలను సాగుచేయాలని రైతులు కోరుతున్నారు.
