ఎర్త్ ఇమేజింగ్ శాటిలైట్ కార్టోశాట్-3 ప్రయోగాన్ని వాయిదా వేస్తున్నట్లు భారత అంతరిక్ష సంస్థ (ఇస్రో) ప్రకటించింది. ఈ నెల 25న ఉదయం 9:28 గంటలకు PSLV-C47 రాకెట్ ద్వారా ఈ శాటిలైట్స్ను ప్రయోగించాలని ఇది వరకే నిర్ణయించింది. అయితే కొన్ని కారణాల వల్ల రాకెట్ లాంచ్ వాయిదా వేస్తున్నట్లు ఇవాళ తెలిపింది. నవంబరు 27న ఉదయం 9:28 గంటలకు రాకెట్ ప్రయోగించబోతున్నామని ప్రకటించింది. ఏపీలోని శ్రీ పొట్టి శ్రీరాములు నెల్లూరు జిల్లా శ్రీహరికోటలోని రాకెట్ స్టేషన్లోని రెండో లాంచ్ ప్యాడ్ నుంచి PSLV-C47 రాకెట్ నింగిలోకి దూసుకెళ్లనుంది. అయితే వాతావరణ అనుకూలిస్తే 25న ప్రయోగం చేపడుతామని గతంలో చెప్పిన ఇస్రో.. ప్రస్తుతం వాయిదా వేయడానికి కారణం వెల్లడించలేదు.
#ISRO #PSLV #Cartosat3
The launch of PSLV-C47 carrying Cartosat-3 scheduled on November 25, 2019 at 0928 hrs is rescheduled to launch on November 27, 2019 at 0928 hrs from Second launch pad of Satish Dhawan Space Centre SHAR, Sriharikota.Stay tuned for more updates..
— ISRO (@isro) November 21, 2019
కార్టోశాట్-3 ఉపగ్రహంతో పాటు అమెరికాకు చెందిన 13 వాణిజ్యపరమైన నానో శాటిలైట్స్ను అంతరిక్షంలోకి పంపనున్నది ఇస్రో. కార్టోశాట్-3ని 509 కిలోమీటర్ల ఎత్తులోని కక్ష్యలో ఇస్రో ప్రవేశపెట్టనుంది. హై రెజొల్యూషన్ ఇమేజింగ్ క్యాపబిలిటీ టెక్నాలజీ ద్వారా భూ ఉపరితల ఫొటోలను ఈ శాటిలైట్ తీస్తుంది.
రాకెట్ లాంచింగ్ నేరుగా చూడొచ్చు
కార్టోశాట్ ప్రయోగాన్ని నేరుగా చూడాలనుకునే వాళ్లకు ఇస్రో ప్రత్యేకమైన అవకాశం కల్పిస్తోంది. శ్రీహరికోట రాకెట్ స్టేషన్లోని లాంచ్ వ్యూ గ్యాలరీలో కూర్చుని ప్రయోగం చూడొచ్చు. ఆసక్తి ఉన్నవాళ్లు ఇస్రో సైట్లో రిజిస్టర్ చేసుకోవచ్చు. సాధారణంగా శ్రీహరికోట రాకెట్ కేంద్రానికి వెళ్లడం మామూలు ప్రజలకు అంత ఈజీ పని కాదు. సో, ఇస్రో ఇచ్చిన ఈ అవకాశంతో అంతరిక్ష ప్రయోగాలపై ఆసక్తి ఉన్న సామాన్యులు నేరుగా అక్కడికి వెళ్లే చాన్స్ దొరుకుతోంది. నవంబరు 20 నుంచి రిజిస్ట్రేషన్కు అవకాశం కల్పించింది ఇస్రో.
#ISRO #PSLV #Cartosat3
Registrations for witnessing launch of PSLV-C47/ CARTOSAT-3 scheduled on 25.11.2019 at 0928 hrs IST from Launch View Gallery, SHAR Sriharikota will open from 20.11.2019 at 0800 hrs IST.Click here for registration- https://t.co/3CbfTbkaOp pic.twitter.com/K0CkPcWU1b
— ISRO (@isro) November 19, 2019