కోనరావుపేట,వెలుగు: బతుకుదెరువు కోసం మలేషియా వెళ్లిన ఓ యువకుడు అక్కడ హత్యకు గురయ్యాడు. ఈ విషయం గురువారం ఆలస్యంగా వెలుగులోకి వచ్చింది. శుక్రవారం ఆ యువకుడి డెడ్బాడీ స్వగ్రామం చేరుకోనున్నది. బాధిత కుటుంబీకులు, గ్రామస్తుల కథనం ప్రకారం..రాజన్న సిరిసిల్ల జిల్లా కోనరావుపేట మండలం కొండాపూర్ గ్రామానికి చెందిన వంకాయల దేవేంద్ర, శ్రీనివాస్ ల కొడుకు రాకేశ్(20) తంగలపల్లి, ఎల్లారెడ్డిపేటకు చెందిన ఇద్దరు యువకులతో కలిసి విజిటింగ్వీసాపై జులై 24న మలేషియాకు వెళ్లాడు.
వెళ్లేముందు రాకేశ్తన మామ దండు అనిల్వద్ద రూ.20వేలు తీసుకున్నాడు. ఆ డబ్బును రాకేశ్తన దగ్గరే పెట్టుకున్నాడు. ఆగస్ట్ 16న రాకేశ్ హాస్పిటల్లో చేరాడని, అతనికి సీరియస్గా ఉందని కుటుంబసభ్యులకు సమాచారం వచ్చింది. అతనితో పాటు వెళ్లిన ఇద్దరు యువకుల ఆచూకీ లేదు. వారే అతడిని చంపి పరారై ఉంటారని కుటుంబసభ్యులు అనుమానిస్తున్నారు. రాకేశ్డెడ్బాడీ తెప్పించాలని ఆద్యగోలి ఫౌండేషన్ చైర్మెన్ గోలి మోహన్ ను కోరగా ఆయన సొంత ఖర్చులతో మృతదేహాన్ని స్వగ్రామానికి రప్పించేందుకు ఏర్పాట్లు చేశారు.
