అనీష్, అనస్వర రాజన్ జంటగా మహేష్ ఉప్పల తెరకెక్కించిన చిత్రం ‘ఇట్లు అర్జున’. నాగార్జున సమర్పణలో దర్శకుడు వెంకీ కుడుముల నిర్మించారు. ఇందులో అనీష్ మూగ యువకుడిగా నటించాడు. బుధవారం ఈ మూవీ ట్రైలర్‌‌‌‌‌‌‌‌ను హీరో ఎన్టీఆర్ లాంచ్‌ చేశారు. “ ఒక్క మాట కూడా మాట్లాడకుండా డెబ్యూ సినిమాతోనే అందరి దృష్టిని ఆకర్షించడం అనీష్ రియల్ గట్స్‌‌‌‌కి నిదర్శనం’ అంటూ మూవీ టీమ్‌‌‌‌కు ఎన్టీఆర్ బెస్ట్ విషెస్ చెప్పారు. ట్రైలర్‌‌లో ఓ దొంగను పట్టుకునేందుకు పోలీసులు గాలిస్తుంటారు.
మరోవైపు తనకు మాటలు రాకపోయినా మాటల్లో చెప్పలేనంత గొప్పగా కీర్తిని ప్రేమిస్తుంటాడు అర్జున్. అయితే అనుకోకుండా ఈ జంట డేంజర్‌‌‌‌‌‌‌‌లో పడుతుంది. ఈ ఇద్దరి కోసం పోలీసులు, గూండాల ముఠా వెతుకుతుంటారు. ఓ మిస్టీరియస్ పెన్‌‌‌‌డ్రైవ్, వెయ్యి కోట్ల డీల్ దీనికి కారణం. ఆ డీల్‌‌‌‌కు అర్జున్‌‌‌‌కు లింక్ ఏంటి.. ఎందుకు వాళ్లలా వెంటపడుతున్నారనేది అసలు కథ. లవ్, కామెడీ, రొమాన్స్‌, యాక్షన్‌, సస్పెన్స్‌ లాంటి అన్నిరకాల కమర్షియల్ ఎలిమెంట్స్‌‌‌‌తో కట్ చేసిన ట్రైలర్ ఆకట్టుకుంది. నవంబర్ 13న సినిమా విడుదల కానుంది.
