కోదాడ,వెలుగు: పంచాయతీ ఎన్నికల్లో పోటీ చేసేందుకు సూర్యాపేట జిల్లా కోదాడ ఎస్సై వీఆర్ఎస్ తీసుకుంటున్నారు. కోదాడ మండలం గుడిబండ గ్రామానికి చెందిన పులి వెంకటేశ్వర్లు ప్రస్తుతం కోదాడ టౌన్ పీఎస్లో ఎస్సైగా పని చేస్తున్నారు. కానిస్టేబుల్ గా పోలీస్ శాఖలో చేరిన ఆయన ప్రస్తుతం ఎస్సైగా పదోన్నతి పొందారు. ఇంకా 5 నెలల సర్వీస్ మిగిలి ఉంది. తాజాగా ఆయన స్వచ్ఛంద పదవీ విరమణ(వీఆర్ఎస్) నిర్ణయం తీసుకున్నారు. తాను పుట్టి పెరిగిన గ్రామాన్ని డెవలప్ చేయాలనే ఈ నిర్ణయం తీసుకున్నట్లు ఆయన తెలిపారు.
