భారీ చిత్రాలు నిర్మించే కేవీఎన్ ప్రొడక్షన్స్, తెస్పియన్ ఫిలింస్ కలిసి నిర్మిస్తున్న సినిమా ‘బాలన్ - ది బాయ్’. ఈ చిత్రానికి ‘ఆవేశం’ ఫేమ్ డైరెక్టర్ జితూ మాధవన్ అందించిన స్క్రిప్ట్ తో ‘మంజుమ్మెల్ బాయ్స్’ దర్శకుడు చిదంబరం దర్శకత్వం వహిస్తున్నారు. వెంకట్ కె నారాయణ, శైలజా దేశాయి ఫెన్ నిర్మాతలుగా వ్యవహరిస్తున్నారు.
ఈ నెల 14న కేన్స్ ఫిలిం ఫెస్టివల్ బిజినెస్ వింగ్ అయిన మార్ష్ డు ఫిలింలో ‘బాలన్ - ది బాయ్’ స్క్రీనింగ్ జరగనుందని మేకర్స్ తెలియజేశారు. తమ మూవీ కేన్స్లో స్క్రీనింగ్ కానుండటంపై టీమ్ అంతా సంతోషాన్ని వ్యక్తం చేశారు. ఈ సినిమా చూస్తూ ప్రేక్షకులు గొప్ప అనుభూతికి లోనవుతారని డైరెక్టర్ చిదంబరం అన్నాడు. ప్రతి ఒక్కరూ చర్చించుకునేలా తమ సినిమా ఉంటుందని నిర్మాత వెంకట్ కె నారాయణ అన్నారు.
