న్యూఢిల్లీ: టియాగో, టైగర్, ఆల్ట్రోజ్, హారియర్, సఫారీ మోడల్స్పై టాటా మోటర్స్ ఆఫర్లను ప్రకటించింది. ఈ నెలాఖరు వరకు మాత్రమే ఇవి వర్తిస్తాయి. డీజిల్, పెట్రోల్, సీఎన్జీ వెర్షన్లపై డిస్కౌంట్లు ఉన్నాయి. డిస్కౌంట్లు రూ.25 వేల నుంచి రూ.48 వేల వరకు ఉన్నాయి.
టియాగో
టియాగో పెట్రోల్ వేరియంట్పై కస్టమర్లు గరిష్టంగా రూ.30వేల డిస్కౌంట్ను పొందవచ్చు. వీటిలో రూ.10 వేల వరకు ఎక్స్ఛేంజ్ డిస్కౌంట్లు, రూ.20 వేల వరకు విలువైన కన్జూమర్ స్కీమ్స్ ఉంటాయి. సీఎన్జీ వెర్షన్పై గరిష్టంగా రూ.43వేల వరకు డిస్కౌంట్ ఇస్తారు. ఇందులో రూ.30వేల వరకు కన్జూమర్ స్కీమ్ డిస్కౌంట్, రూ.10వేల వరకు ఎక్స్ఛేంజ్ డిస్కౌంట్, రూ.3 వేల వరకు విలువైన కార్పొరేట్ డిస్కౌంట్లు ఉన్నాయి.
టిగోర్
టాటా టిగోర్ పెట్రోల్ వేరియంట్లపై కస్టమర్లు గరిష్టంగా రూ.33వేల వరకు డిస్కౌంట్ను పొందవచ్చు. సీఎన్జీ మోడల్ను మొత్తం రూ.48వేల వరకు డిస్కౌంట్తో అందిస్తున్నారు. పెట్రోల్ సీఎన్జీ మోడల్స్ రెండింటికీ ఎక్స్ఛేంజ్ డిస్కౌంట్లు, కన్జూమర్ స్కీమ్స్, కార్పొరేట్ డిస్కౌంట్స్ ఉంటాయి.
ఆల్ట్రోజ్
ఈ హ్యాచ్బ్యాక్ కారు పెట్రోల్, డీజిల్ వెర్షన్లపై డిస్కౌంట్లు ఉన్నాయి. ఇటీవల లాంచ్ చేసిన ఆల్ట్రోజ్ సీఎన్జీ మోడల్పై మాత్రం ఆఫర్లు లేవు. ఎక్స్ఈ, ఎక్స్ఈ+ ట్రిమ్లు మినహా పెట్రోల్ వేరియంట్లపై గరిష్టంగా రూ.25వేల డిస్కౌంట్ పొందవచ్చు. ఎక్స్ఈ, ఎక్స్ఈ+ ట్రిమ్లపై మొత్తం రూ.10వేల వరకు డిస్కౌంట్ను దక్కించుకోవచ్చు. అన్ని డీజిల్ వేరియంట్లపై రూ.30వేల వరకు డిస్కౌంట్ ఉంది.
హారియర్, సఫారీ
టాటా హారియర్, సఫారీ ఎస్యూవీలపై కస్టమర్లు గరిష్టంగా రూ.35 వేల వరకు ప్రయోజనాలను పొందవచ్చు. ఈ ఎస్యూవీలు రూ.25వేల వరకు ఎక్స్ఛేంజ్ డిస్కౌంట్, రూ.10వేల వరకు కార్పొరేట్ డిస్కౌంట్తో వస్తాయి. అన్ని వేరియంట్లకు ఆఫర్లు వర్తిస్తాయి. ఈ రెండు వెహికల్స్పై కంపెనీ కన్జూమర్ స్కీమ్స్ ఏవీ లేవు.