కొల్లాపూర్ వెలుగు: కొల్లాపూర్ నియోజకవర్గంలోని ఇరిగేషన్ పనులపై హైదరాబాద్లోని అంబేద్కర్ సచివాలయంలో మంత్రి జూపల్లి కృష్ణారావు ఆదివారం ఇరిగేషన్ అధికారులతో సమీక్ష నిర్వహించారు. కల్వకుర్తి ఎత్తిపోతల పథకం పరిధిలోని సింగోటం జలాశయం, జూరాల ఎడమ కాలువ పరిధిలోని గోపాల్ దిన్నె జలాశయాల్ని కలిపే లింకు కెనాల్ ప‌‌నులగురించి ఆరాతీశారు. ఈ జలాశయాల ద్వారా 35వేల ఎకరాలకు సాగునీరు అందుతుందని, పెండింగ్ పనులను పూర్తి చేయాలని ఆదేశించారు.
.కెనాల్ పనులు స్లోగా సాగుతున్నాయని, వాటిని స్పీడప్ చేయాలని చెప్పారు. భూసేకరణ, పరిహారం పై అధికారులు దృష్టి సారించాలని సూచించారు. పరిహారంపై ప్రపొజల్స్ రూపొందించి, తనకు అందించాలన్నారు. కెనాల్ పనులు పూర్తయితే ఆయ‌‌క‌‌ట్టు వ‌‌ర‌‌కు నీరందుతుంద‌‌ని పేర్కొన్నారు. సమీక్ష స‌‌మావేశంలో ఎస్ఈ విజయ భాస్కర్ రెడ్డి, ఈఈ శ్రీనివాస్ రెడ్డి, సంజీవ్ రావు పాల్గొన్నారు.
