నల్గొండ అర్బన్, వెలుగు : 5వ తరగతి నుంచి ఇంటర్ఫస్టియర్వరకు ప్రవేశానికి అర్హులైన విద్యార్థులు దగ్గరలోని మైనార్టీ విద్యాసంస్థలను సంప్రదించాలని కలెక్టర్ ఇలా త్రిపాఠి సూచించారు. సోమవారం కలెక్టరేట్లో మైనార్టీ విద్యాసంస్థల్లో విద్యార్థుల ప్రవేశానికి అవగాహన కోసం రూపొందించిన వాల్పోస్టర్ను ఆమె ఆవిష్కరించారు. ఈ సందర్భంగా కలెక్టర్మాట్లాడుతూ జిల్లాలో 13 మైనార్టీ పాఠశాలలు, కళాశాలలు ఉన్నాయని తెలిపారు. వీటిలో 5వ తరగతి నుంచి ఇంటర్ఫస్టియర్ వరకు ఒక్కో తరగతిలో సుమారు 60 వరకు సీట్లు ఖాళీగా ఉన్నాయని చెప్పారు.
అర్హులైన విద్యార్థులతో ఈ సీట్లను భర్తీ చేస్తామన్నారు. జూన్ 12లోపు మైనార్టీ పాఠశాలల్లో ప్రవేశం పొందేవిధంగా అవసరమైన వారు దగ్గరలోని మైనార్టీ పాఠశాలను సంప్రదించాలన్నారు. కార్యక్రమంలో ఇన్చార్జి అడిషనల్ కలెక్టర్లు నారాయణ్ అమిత్, రాజ్ కుమార్, ఇన్చార్జి డీఆర్వో అశోక్ రెడ్డి, డీఆర్డీఏ శేఖర్ రెడ్డి ,చండూర్ ఆర్డీవో శ్రీదేవి, మైనార్టీ విద్యాసంస్థల జిల్లా అధికారి విజయేందర్ రెడ్డి తదితరులు పాల్గొన్నారు.
