- ప్రభుత్వ విప్, ఎమ్మెల్యే బీర్ల అయిలయ్య
యాదగిరిగుట్ట, వెలుగు: అభివృద్ధి, సంక్షేమ పథకాలను సమపాళ్లలో అమలు చేస్తున్న కాంగ్రెస్ ప్రభుత్వంతోనే గ్రామపంచాయతీల అభివృద్ధి సాధ్యమని ప్రభుత్వ విప్, ఆలేరు ఎమ్మెల్యే బీర్ల అయిలయ్య అన్నారు. యాదగిరిగుట్ట మండలం మాసాయిపేటలో కాంగ్రెస్ మద్దతుతో సర్పంచ్ అభ్యర్థిగా పోటీ చేస్తున్న కళ్లెం జహంగీర్ గౌడ్ శనివారం నిర్వహించిన నామినేషన్ ర్యాలీలో ఆయన పాల్గొన్నారు.
ఈ సందర్భంగా ఆయన మాట్లాడుతూ.. ప్రభుత్వం చేపడుతున్న అభివృద్ధి, సంక్షేమ పథకాలను ప్రజలకు వివరించి కాంగ్రెస్ మద్దతు తెలిపిన సర్పంచ్, వార్డు అభ్యర్థుల గెలుపునకు క్యాడర్ కృషి చేయాలని సూచించారు.
ఆలేరు మార్కెట్ కమిటీ డైరెక్టర్ ఎండీ నసీరుద్దీన్, మండల కోఆప్షన్ మాజీ సభ్యుడు ఎండీ యాకూబ్, కాంగ్రెస్ నాయకులు గజం లక్ష్మీనర్సయ్య, సగ్గు కిష్టయ్య, గొట్టిపర్తి పుండరీకం, బాలరాజు గౌడ్ తదితరులు ఉన్నారు.
