కౌడిపల్లి, వెలుగు: పంచాయతీ ఎన్నికల్లో సర్పంచి పదవి కీలకమైనదని, పార్టీలో ఉండి వెన్నుపోటు పొడిస్తే సహించేది లేదని ఎమ్మెల్యే సునీతా రెడ్డి హెచ్చరించారు. శనివారం కౌడిపల్లిలోని లక్ష్మీనరసింహ ఫంక్షన్ హాల్లో బీఆర్ఎస్ ముఖ్య కార్యకర్తల సమావేశం నిర్వహించారు. ఆమె మాట్లాడుతూ..కేసీఆర్ బలం పెరగాలంటే ఐకమత్యంతో పని చేయాలన్నారు. జడ్పీటీసీ, ఎంపీపీ మొదలుకొని అన్ని సీట్లను కైవసం చేసుకుంటేనే ఎమ్మెల్యే ఎన్నికల్లో సత్తా చాటుతామన్నారు.
ఎన్నికలు ఉన్నచోటనే ఇందిరమ్మ చీరలు, వడ్డీ లేని రుణాలు ఇవ్వడం ఏంటని ప్రభుత్వాన్ని ప్రశ్నించారు. కేసీఆర్ హయాంలో కోటి 35 లక్షల చీరలు ఇస్తే కాంగ్రెస్ హయాంలో 50 లక్షల చీరలు మాత్రమే ఇచ్చిందన్నారు. బీసీలకు 42 శాతం రిజర్వేషన్ విషయంలో కాంగ్రెస్మోసం చేసిందన్నారు. కార్యక్రమంలో మండల అధ్యక్షుడు రామా గౌడ్, మాజీ ఎంపీపీ రాజు, వైస్ ఎంపీపీ నవీన్, పోల నవీన్, సందీప్, దుర్గారెడ్డి , ఆయా గ్రామాల మాజీ సర్పంచులు, బీఆర్ఎస్ కార్యకర్తలు పాల్గొన్నారు.
