చిగురుమామిడి, వెలుగు: విద్యార్థులకు పెట్టే మధ్యాహ్న భోజనం అధ్వానంగా ఉందంటూ కరీంనగర్ జిల్లా చిగురుమామిడి మండలంలోని చిన్న ముల్కనూర్ లోని టీఎస్ మోడల్స్కూల్లో శుక్రవారం తల్లిదండ్రులు ఆందోళన చేశారు. శుక్రవారం పేరెంట్స్మీటింగ్కు వచ్చిన వారు భోజనం విషయమై ప్రిన్సిపాల్శ్రీనివాసా చారితో పాటు మధ్యాహ్న భోజన నిర్వాహకులపై మండిపడ్డారు. స్కూల్ కు ఎదురుగా ఉన్న హుస్నాబాద్–కరీంనగర్ మెయిన్రోడ్డుపై బైఠాయించి రాస్తారోకో చేశారు. వారు మాట్లాడుతూ ముక్కిపోయిన బియ్యం వండుతున్నారని, కనీసం చెరగడం లేదని, భోజనంలో పురుగులు వస్తున్నా పట్టించుకోవడం లేదన్నారు. తినడం ఇష్టం లేక ఇంటి నుంచి బాక్స్లు తీసుకువెళ్తే పారేయిస్తున్నారన్నారు. విషయం తెలుసుకున్న ఎంపీపీ కొత్త వినీత,తహసీల్దార్ సయ్యద్మోహిన్ హైమద్, ఎంపీటీసీ జమున అక్కడికి వచ్చి వారితో మాట్లాడారు. సమస్య పరిష్కారమయ్యేట్టు చేస్తామని హామీ ఇవ్వడంతో ఆందోళన విరమించారు.
అంగన్వాడీ పప్పన్నంలో బొద్దింక
హసన్పర్తి: హనుమకొండ జిల్లా హసన్పర్తి మండలం హరిచంద్ర నాయక్ తండా లోని అంగన్వాడీ కేంద్రంలో శుక్రవారం పిల్లలకు వడ్డించిన మధ్యాహ్న భోజన పప్పన్నం లో బొద్దింక కనిపించింది. దీంతో పిల్లలు భయపడ్డారు. దీని గురించి తల్లిదండ్రులు సర్పంచ్ కు ఫిర్యాదు చేశారు. అంగన్వాడీ టీచర్అందుబాటులో లేకపోవడంతో ఇలాంటి ఘటనలు జరుగుతున్నాయని తల్లిదండ్రులు ఆగ్రహం వ్యక్తం చేశారు.
