సింగపూర్ ఓపెన్ 2022 టైటిల్‌ను కైవసం చేసుకున్న భారత షట్లర్ పీవీ సింధును ప్రధాని నరేంద్ర మోడీ అభినందించారు. " తొలిసారి సింగపూర్ ఓపెన్ టైటిల్ గెలుచుకున్నందుకు పీవీ సింధుని నేను అభినందిస్తున్నాను. ఆమె మరోసారి తన అసాధారణమైన క్రీడా ప్రతిభను ప్రదర్శించి విజయం సాధించింది. ఇది దేశానికి గర్వకారణం.. రాబోయే క్రీడాకారులకు కూడా స్ఫూర్తినిస్తుంది" అని ప్రధాని ట్వీట్ చేశారు.
I congratulate @Pvsindhu1 on winning her first ever Singapore Open title. She has yet again demonstrated her exceptional sporting talent and achieved success. It is a proud moment for the country and will also give inspiration to upcoming players. https://t.co/VS8sSU7xdn
— Narendra Modi (@narendramodi) July 17, 2022
మహిళల సింగిల్స్ లో చైనా క్రీడాకారిణి వాంగ్ జిపై 21-9, 11-21, 21-15 తేడాతో గెలుపొందింది సింధు. ఫస్ట్ నుంచి పదునైన స్మాష్ షాట్లతో పీవీ సింధు ప్రత్యర్థిని ఉక్కిరిబిక్కిరి చేసింది. 58 నిమిషాల పాటు సాగిన ఈ మ్యాచ్ లో తొలి సెట్ లో చైనా క్రీడాకారిణికి ఏ మాత్రం ఛాన్స్ ఇవ్వలేదు. దీంతో 21-9 తేడాతో గెలిచిన సింధు.. ఆ తర్వాతి సెట్ లో ఓడింది.
చివరి సెట్ లో మరింత దూకుడుగా ఆడిన సింధు.. 21-15 తేడాతో ప్రత్యర్థిని ఓడించింది. 2022లో రెండు సూపర్ టైటిల్ ను సింధూ దక్కించుకుంది. జులై 28నుంచి బర్మింగ్ హామ్ లో జరగనున్న కామన్ వెల్త్ గేమ్స్ కు ముందు ఈ విజయం సిందుకు మరింత బూస్ట్ ను ఇవ్వనుంది. ఈ సీజన్ లో సింధుకు ఇది మూడో టైటిల్ కావడం విశేషం.
